Author: Bashir Ahmed

Amaryar Maiwushirya, 'YarGuda tace ba zata bari ya kara aure ba. Tace daga ita an kulle kofa. Ta bayyana hakane a wani Bidiyon ta da ya watsu sosai inda aka ganta ana mata tambayoyi. https://www.tiktok.com/@pharooq_/video/7563708394104818965?_r=1&u_code=ejaikd8elj8058&preview_pb=0&sharer_language=en&_d=ejaij098emc1h5&share_item_id=7563708394104818965&source=h5_m&timestamp=1761076676&user_id=7483197776647635989&sec_user_id=MS4wLjABAAAAN7fVbcc0mzRzgIxdVwTekj-Bzgfq381B8aILPWs15fqP6aFNZ5GwIpbLEwMTYvVW&item_author_type=2&social_share_type=0&utm_source=copy&utm_campaign=client_share&utm_medium=android&share_iid=7559465894419449601&share_link_id=43f8e117-d4b6-4179-8262-9418d7256029&share_app_id=1233&ugbiz_name=MAIN&...

Tauraron Tiktok, Maiwushirya ya kwanta rashin lafiya kwana daya bayan da aka ce a daura masa aure da wada wadda aka fi sani da 'YarGuda da suke Bidiyo da ita. An ga dai ana masa karin ruwa yayin da yake kwance akan gado. Wasu sun rika masa fatan samun sauki inda wasu ke cewa zullumin auren wada ne ya sashi gaba. https://www.tiktok.com/@pharooq_/video/7563677050993708309?_t=ZS-90k0eoezJtR&_r=1

Gwamnatin tarayya ta kwace gidan Dala Miliyan $2.5 da tsohon ma'aikacin kamfanin mai na kasa, NNPCL, Paulinus Iheanacho Okoronkwo ya siya a kasar Amurka da kudin sata. A watan Augusta ne aka yanke masa hukuncin daurin shekaru 30 a gidan yari bayan samunsa da laifin rashawa da cin hanci. An sameshi da laifin karbar cin hanci har dala Miliyan $2.1 daga wani kamfanin mai me suna Addax Petroleum da zummar cewa zai samarwa da kamfanin lasisin hakar danyen man fetur a Najeriya. Kuma ya sayi gidanne a Valencia dake California kasar Amurka.

Mataimakin shugaban kasa, Kashim Shettima ya bayyana cewa 'yan Najeriya sun taki sa'a da Allah ya basu shi a matsayin mataimakin shugaban kasa. Ya bayyana hakane a ziyarar da ya kai jihar Katsina. Da yake jawabi, Kashim Shettima yace Katsinawa sun yi dace da Allah ya basu Dikko Raddah a matsayin gwamnan, yace a tafa masa. Sannan yace 'yan Najeriya kuma sun yi dace da Allah ya basu shi a matsayin mataimakin shugaban kasa. https://www.tiktok.com/@kashiimshettima/video/7563681781183040776?_t=ZS-90js9tRs0Zd&_r=1

Majalisar tarayya ta amince da kafa hukumar jami'an tsaro wanda zasu yi yaki da masu hakar ma'adanai ba bisa qa'ida ba. Yanzu sa hannun shugaban kasa za'a jira kamin kafa wannan hukuma da kuma sanin lokacin da zata fara aiki.

Shugaban kasa, Bola Ahmad Tinubu ya aikawa majalisar Tarayya sunan Dr. Bernard Mohammed dan a tantanceshi a matsayin Minista. Dr. Bernard Mohammed ya fito ne daga jihar Filato. Saidai zuwa yanzu ba'a san ministan menene za'a bashi ba.

Rahotanni daga birnin New York City dake kasar Amurka yace an tsinci jaririya sabuwar haihuwa a birnin da ake zargin mahaifiyartace ta yadda ta. An tsinci jaririyar ne a matattaqalar shiga tashar jirgin kasa ta karkashin kasa an nannadeta da tawul a Midtown Manhattan da misalin karfe 9:30 na safe. Tuni 'yansanda suka je suka dauketa aka kaita Asibiti inda likitoci suka tabbatar tana cikin koshin Lafiya.

Dan Gwagwarmaya, Mahdi Shehu ya bayyana cewa, 'yan Najeriya suna nema kuma suna da 'yancin a sanar dasu sunayen sojojin da suka shirya yiwa Gwamnatin Tinubu juyin Mulki. Ya bayyana hakane a shafinsa na X inda yace sati uku kenan ana ta rade-radin cewa an yi yunkurin yiwa shugaban kasa, Bola Ahmad Tinubu juyin Mulki. Yace magana dai tun ana jita-jita har ta zama gaskiya inda yace ya kamata a daina boye-boye a fito a gayawa 'yan Najeriya su waye suka shirya wannan juyin Mulki?

Wani magidanci dake tsakanin shekaru 30 ya fashe da kuka bayan da matarsa ta haifi 'yan 6. Bidiyon lamarin ya watsu a kafafen sada zumunta inda akai ta zazzafar muhawara akai. Mutumin ya tsaya kan matarsa inda ya rika fadin lallai kina da karfin hali da kika iya haifar 'yan shida. Rahotanni sun ce mutumin na tunanin kudin kula da yaran ne shiyasa shi kuka. !An dai ga Ma'aikaciyar jinya tana bashi baki kan lamarin.

Shugaban tsaro, Janar Christopher Musa ya baiwa jami'an tsaron sabon Umarni inda yace duk sojan da aka kai daji ba zai rika wuce shekara 2 ba za'a canja masa wajan aiki. Ya bayyana hakane a yayin da ya kaiwa sojojin ziyara. Yace kuma duk sojan da aka kai yaki da B0K0 Hàràm ya tabbata ta Kqshe akalla guda daya. Yace idan aka aika soja daji ya koma bai kashe ko da B0k0 Hàràm guda ba to lallai aikinsa bai cika ba. https://twitter.com/DejiAdesogan/status/1980287403668431098?t=cAQNQk9fgmhODjgBTn3XOg&s=19 Sannan yace sojojin su daina zama suna jiran sai an kawo musu hari su mayar da martani, su rika fita suma suna farautar abokan gaba.