Author: Bashir Ahmed

MASHA ALLAH: Ruwan Sama Na Farko Ya Sauka A Abuja A Yammacin Yau Asabar. ..bayan Abuja a ina aka yi ruwan sama? Allah Ya ba mu damina mai albarka.

Mahukunta a jihar Legas sun kama magidanci dan kimanin shekaru 38 da abokinsa da suka hadu sukawa agolarsa me shekaru 14 fyade. Kakakin 'yansandan jihar, CSP Benjamin Hundeyin ya tabbatar da faruwar hakan a wata sanarwa da ya fitar ga manema labarai a ranar Asabar. Ya kara da cewa, mahaifiyar yarinyarce ta kai koke a ofishin 'yansanda dake yankin Okokomaiko na jihar. Rahoton yace sun dirkawa yarinyar ciki inda a yanzu tana dauke da cikin wata 9. Ya kara da cewa, da zarar an kammala bincike, za'a gurfanar da wanda ake zargin a kotu.

Dan tsohon shugaban kasa, Marigayi Janar Sani Abacha me suna Sadiq ya jinjinawa mahaifin nasa inda yace yana alfahari dashi. ya bayyana hakane a yayin da aka taso da guguwar sukar mahaifin nashi. Yace yawanci masu sukar mahaifin nashi suna yi ne saboda hassada da kuma wadanda suka ci amanarsa. Yace amma mahaifinsu shugaba ne na gari kuma yayi abinda ya kamata a kasarnan. Guguwar Sukar Janar Sani Abacha ta sake tasowane biyo bayan kaddamar da littafin da tsohon shugaban kasa, Janar Ibrahim Badamasi Babangida yayi.

Ministan ci gaban Kiwo, Mukhtar Maiha ya gargadi 'yan Najeriya da su daina cin Ganda wadda ake yi da fatar dabbobi. Ministan yace akwai matsalar da cin gandar yakewa jikin dan adam. Ya kuma bayyana cewa, Gwamnatin tarayya na shirin samar da mayanka ta zamani wadda kowace sashe na jikin dabbar da aka yanka za'a iya fitar dashi cikin sauki ba tare da wahala ba. Ya kara da cewa, a jikin dabba babu abin yaddawa. Ya kara da cewa, a cikin kasafin kudin shekarar 2025 sun ware kudade masu yawa dan samar da gonaki da guraren kiwo na zamani

Rahotanni sun bayyana cewa 'yan Bindiga sun budewa motar matafiya kirar Sharon akan hanyar Sokoto zuwa Minna wuta i da suka kashe mutane biyu a cikin motar wasu kuma suka jikkata. Lamarin ya farune a yayin da motar ta doshi mabiyar 'yan Bindigar. Rahoton daga kafar Zagazola Makama ya bayyana cewa, wanda aka kashe din mace da namiji ne. An garzaya da gawarwakin wadanda suka rasu da kuma wadanda suka jikkata zuwa Asibitin IBB Specialist Hospital dake Minna.

Tsohon gwamnan jihar Kaduna malam Nasiru Ahmad El rufa i tare da wasu jiga jigan jam iyyar PDP a safiyar wannan rana sunyi wata ganawa yau 22/2/2027.

An gano yanda wasu da ake zargin matsafane ke kwakule kaburbura bayan a binne a jihar Borno inda suke sace sassan jikin gawargwakin Lamari na kwanannan da aka gano shine wanda ya faru a makabartar Ramon Yashi dake Bayan Kwatas a cikin Birnin Maiduguri. An ga sabon kabari da aka binne amma an kwakuleshi an dauke gawar dake ciki, mazauna unguwar sun fara fargabar cewa da wuya idan babu matsafa ne suka aikata hakan ba. Wani shaida ya bayyanawa majiyarmu cewa, sun hango gawa na yawo akan ruwa, kuma sun je bakabarta suka iske an tone kabari babu gawar a ciki. Lamarin ya saka tashin hankali da fargaba a tsakanin mutanen dake zaune a kusa da makabartar inda suke kiran jami'an tsaro da gwamnatin jihar ta kai musu dauki.

Tsohon Gwamnan jihar Kaduna, Malam Nasiru Ahmad El-Rufai ya bayyana cewa, ya kamata a jinjinawa tsohon mataimakin shugaban kasa, Alhaji Atiku Abubakar kan kokarin gyaran tattalin arzikin da yayi a lokacin mulkin tsohon shugaban kasa, Olusegun Obasanjo. Ya bayyana hakane a wajan gaisuwar marigayi, Edwin Clark a jihar Delta. El-Rufai yace yawanci mutane sun fi tunawa da abin ashsha da mutum ya aikata fiye da abin alkairi. El-Rufai yace hadda shi sun yi aiki a karkashin Atiku suka gyara tattalin arzikin kasarnan a lokacin amma ba'a magana akan lamarin ko dan basu yi rubutu akan lamarin bane?

{"remix_data":[],"remix_entry_point":"challenges","source_tags":[],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{},"is_sticker":false,"edited_since_last_sticker_save":false,"containsFTESticker":false} Wasu hotunan tauraruwar fina-finan Hausa, Hadiza Gabon da suka bayyana a kafafen sadarwa sun jawo cece-kuce saboda yanda aka ga ta rame a cikin hotunan. Hadiza dai an santa da kiba da kumari, amma a yanzu ta rame inda wasu ke rade-radin cewa maganin rage kiba ta sha, wasu kuwa na cewa, aiki taje aka mata ta dawo siririya. Wasu kuwa na alakanta hakan da rashin lafiya. Kai wasu ma cewa suke ba ita bace saboda ramar da ta yi. Hadiza dai bata amsa kowa ba kan batun.

Gwamnan jihar Osun, Ademola Adeleke ya kada kuri'arsa a zaben kananan hukumomin dake gudana a jiharsa ta Osun a yau Asabar.