Duk Labarai

Mutumin nan na Kano da ya ashe Naira Biliyan 1.5 wajan yiwa 'ya'yansa Birthday yanzu kuma an ganshi suna soyewa shi da matarsa. An ganshi hana daga ta sama yana mata waka. https://vt.tiktok.com/ZSm6JyH5R l

Tsohon Gwamnan jihar Kaduna, Malam Nasiru Ahmad El-Rufai ya bayyana sunan malam Nuhu Ribadu me baiwa shugaban kasa shawara akan harkar tsaro da cewa shine yasa a kamashi. Ya bayyana hakane a hirar da aka yi dashi a gidan Talabijin na Arise TV inda yace kamar yanda gwamnati take sauraren kiraye-kirayen wayoyin mutane suma 'yan Adawa suna da hanyar sauraren kiraye-kirayen wayoyin Gwamnatin. ElRufai dai a baya yace Nuhu Ribadu mutuminsa ne amma daga baya ya canja.

Wani dan Kano, Adnan Musa Ibrahim ya kera jirgin sama marar matuki. An ga yanda ya tayar da jirgin sama yana ta shawagi inda mutane suka taru suna kallo suna masa tafi. Da yawa dai sun yi kira ga Gwamnati ta karfafa masa gwiwa. https://twitter.com/i/status/2021628204662800521

Rahotanni daga jihar Zamfara na cewa wasu tsagera sun bi fastocin shugaban kasa, Bola Ahmad Tinubu sun lalatasu a fadin jihar. Sakataren yada labarai na jihar, Malam Yusuf Idris ne ya bayyana hakan a wata ganawa da manema labarai. Yace wannan cin fuskane wanda ba zasu yadda dashi ba inda yayi kira ga jami'an tsaro su dauki mataki kan lamarin.

A yayin da lauyan Malamin Addinin Islama, Sheikh Khalifa Sani Zaria da ake tsare dashi ake zargi da shiryawa shugaban kasa, Bola Ahmad Tinubu juyin Mulki ya shigar da kara kan a saki malamin. Mai shari'a Justice Peter Lifu ya bukaci lauyan Gwamnati daya kawo takardar kotu data bayar da damar a tsare malamin, saidai Lauyan Gwamnatin ya kasa kawo takardar inda yace a bashi lokaci. Mai shari'a Justice Peter Lifu ya bayyana bacin ransa sosai akan lamarin inda ya daga ci gaba da sauraren karar zuwa ranar Juma'a. An dai kama malam ne bisa zargin an aika masa Naira Miliyan 2 na aiki kan yiwa gwamnatin Tinubu juyin Mulki. Lauyan Malam, Sanusi Musa SAN ya shigar da karar EFCC, DIA, da babban lauyan Gwamnati, da kuma Bankin Ja'iz.

Tauraron mawakin kudu, Davido kenan a wannan Bidiyon inda ya baiwa wani me dafa abinci tsabar kudi Naira Miliyan 10 kyauta. An ga yanda Davido ya dauko kudin a jaka ya zazzagesu. Ya kuma baiwa me dafa abincin lambar wayarsa inda yace idan yana bukatar wani abu ya masa magana. https://twitter.com/i/status/2022212933636468860

A yaune Tsohon gwamnan jihar Kaduna, Malam Nasiru Ahmad El-Rufai ya je Kaduna inda yayi Sallar Juma'a a can. Jama'a da yawa ne suka taru inda suka nuna masa goyon baya ta hanyar fitowa suna shewa. https://twitter.com/i/status/2022295821845172701

Hukumar zabe me zaman kanta INEC ta sanar da ranar 20 ga watan Fabrairu na shekarar 2027 a matsayin ranar da za'a gudanar da zaben shugaban kasa na shekarar 2027. Shugaban Hukumar zaben, Professor Joash Amupitan ne ya bayyana haka ga manema labarai a Abuja ranar Juma'a. Yace zaben shugaban kasa dana 'yan majalisun tarayya za'a yishi ne ranar 20 ga watan Fabrairu inda kuma zaben Gwamnoni dana 'yan majalisar jihohi za'a yishi ne ranar 6 ga watan Maris. Ya bayyana cewa, sun shirya tsaf dan gudanar da zaben.

Wasu matasan Sojojin Najeriya na ci gaba da shan ruwan Allah wadai bayan da suka shiga gasar rawa a Tiktok. Gasar rawar ta samo asali ne bayan da wata matashiya ta bayyana ta soke waya a kugunta tana rawa, Bidiyon ta ya watsu sosai inda akai ta kwaikwayarta. Suma matasan sojojin sanye da kakinsu, an gansu sun yi irin wannan rawa sun dora a shafinsu na sada zumunta. Saidai lamarin ya jawo musu Allah wadai. https://www.tiktok.com/@gangasoja/video/7605187232965692692?_r=1&_t=ZS-93soWnaWDi5

Mutuniyar Soja Boy wadda suke waka tare me amfani da sunan Home of Luxury ta bayyana cewa, ta yi kitso na Naira 200,000. Ta bayyana cewa, gashin da aka kara mata ma na mutanene kuma dubu 150 ta sayeshi. https://www.tiktok.com/@surayyahpretty/video/7605590063111605524?_r=1&_t=ZS-93skX50wxM1