Duk Labarai

Wani dan siyasa ya sha da kyar a hannun Talakawa a jihar Kaduna. A Bidiyon da aka ga yana ta yawo a kafafen sadarwa, an ga mutane ma ta jifarsa suna fadar cewa bama yi. https://twitter.com/ADCVanguard_/status/2004159712368251018?t=QM4sH0Ih2PxAaO7ahRwQ5A&s=19 A makon da ya gabata dai Hutudole ya kawo muku Rahoton yanda kusan irin haka ta faru a jihar Zamfara inda acan ma wani dan siyasa ne ya sha da kyar.

Wannan Bidiyon bikin na mata Inyamurai ya dauki hankula sosai inda ake ta bayyana mabanbanta ra'ayoyi akai. Inyamuranne da kansu suka rika watsa wannan Bidiyon inda suka rika cewa suma suna da musulmai sosai kawai dai basu cika nuna kansu bane. https://twitter.com/Onsogbu/status/2004091645168423228?t=Pgq-ICMhOGRIeuKY332_BA&s=19

Shugaban kasa, Bola Ahmad Tinubu ya bayyana cewa, yanda ya ga ana ta shiga kasuwar Onitsha dake kudancin Najeriya ana siyayya alamar Gwamnatinsa na aiki kenan. Ya bayyana hakanne ta bakin kakakinsa, Bayo Onanuga https://twitter.com/aonanuga1956/status/2004138240287047903?t=3JiYPMus6hBavoBeklIBdA&s=19

Tsohon hadimin shugaban kasa, Malam Bashir Ahmad ya bayyana cewa, cin abincin Kirsimeti Halalne. Ya bayyana cewa ya ji karatu a wajan malam Ibrahim Kalil. Yace abincin indai halal ne a cishi to dan an baiwa mutum da Kirsimeti zai iya ci. https://twitter.com/BashirAhmaad/status/2004148478755164638?t=8pAajomQ10BEieDMTnKYIg&s=19

Wani Bidiyo da aka dauka na fadar shugaban kasa, Villa, ya dauki hankula. Bidiyon an daukeshi ne da jirgi marar Matuki ta sama wanda ya nuna kowane sashe na fadar shugaban kasar dake Abuja. Bidiyon ya yadu sosai a kafafen sada zumunta inda aka ga mutane na ta Allah wadai da fadar cewa bai kamata a bari wani ya dauki irin wannan Bidiyon ya yadashi a kafafen sada zumunta ba. Wasu na kafa Misalai da cewa, a kasashen Duniya da suka ci gaba har ma dana Afrika ba za'a bari irin haka ta faru ba. https://twitter.com/afrisagacity/status/2004089422380159165?t=U9mRlPprOZ06tlFgWuiuKQ&s=19

Matashi me sunan Sarkin Yakin Sunnah yace yana tare da duk abinda A'isha Buhari ta fada akan Marigayi, Muhammadu Buhari inda yace tafi kowa kusa dashi. Yace masu zaginta duk tafi su son Buhari kuma gaskiya ta fada a Littafin. Yace shin so suke ta yi masa karyane? https://www.tiktok.com/@umarpitykhalid0/video/7587422723895381268?_t=ZS-92Vp9fvRmrZ&_r=1

Shugaban Israyla, Benjamin Netanyahu a sakon da ya fitar na Kirsimeti, ya nemi a gaggauta daina yiwa Kiristoci muzancin da ake musu a Duniya. Bidiyon kalaman nasa sun dauki hankula a kafafen sada zumunta. Wasu Kiristoci sun bayyana jin dadi sosai da wannan sakon nashi. https://twitter.com/Harmless12345/status/2003953061715468505?t=98A_qhTVu5Un83uAw3FVIw&s=19

Wannan hotunan kadarorin tsohon Ministan shari'a Abubakar Malami kenan da EFCC ta gano da darajarsu ta kai Naira Biliyan 212. Kadarorin na jihohin Kebbi, Kano ne.

Rahotanni sun ce malaman jinya 16,000 ne wanda suka yi karatu a Najeriya suka tsere zuwa kasar Ingila suke aiki a can. Hakan ya farune a tsakanin shekarun 2017 zuwa 2025. Kuma Rahoton yace hadda Ungozoma ne ke tserewa daga Najeriyar zuwa kasar Ingila. An samu wannan bayanai ne daga rijistar da kasar Ingilar ta fitar. Wannan na nuni da cewa, Najeriya na fuskantar karancin malaman jinya yayin da 'yan kasar ke tserewa zuwa kasashen Turai dan aiki a can saboda albashi me kyau da ake biya acan din.

Kafar Channels TV suna shan suka saboda yanda suka rubuta Rahoton abinda ya faru a masallaci a jihar Borno jiya. Abin fashewa ya fashe a masalacin jihar Borno inda wasu suka rasa rayukansu, wasu kuma suka jikkata. Saidai Channels TV a rahoton data kawo tace abin fashewar ya fashene a Maiduguri yayin da ake bikin Kirsimeti. Da yawa dai sun zargi Channels TV da Munafurci saboda bas saka cewa a masallaci abinnya faru ba hakanan wasu na cewa babu abinda ya hada tashin abin fashewar da Kirsimeti tunda ba a coci ya faru ba. https://twitter.com/abdool_moh/status/2003928512697127192?t=dGCUI_2x8o4uCjHm8S_MRw&s=19