Duk Labarai

Tsawa ta fada akan dan wasa a yayin da ake tsaka da buga kwallo a Peru inda dan kwallon ya mutu wasu hudu kuma suka jikkata. Dole wannan dalili yasa aka dakatar da wasan. https://www.youtube.com/watch?v=YmJeI0LEI00 Wanda ya mutu din an bayyanashi da Hugo De La Cruz dan kimanin shekaru 39.

Gwamnan jihar Kano,Abba kabir Yusuf ya isa gida da yaran da Gwamnati ta yiwa afuwa bayan da aka zargesu da cin amanar kasa. Mataimakin shugaban kasa, Kashim Shettima ne ya damka masasu.

Tsohon Shugaban Kasa, Muhammadu Buhari Ya Ziyarci Birnin Maiduguri Domin Yi Wa Al'ummar Jajen Ibtila'in Ambaliyar Ruwa Da Ta Faru A Kwanakin Baya, Yau Litinin. Daga Jamilu Dabawa

Mataimakin Shugaban Kasar Najeriya, Sen. Kashim Shettima ya jagoranci bayar da Matasa yan asalin Jihar Kano zuwa ga Wakilan Jihar Kano a Gwamnatin Tarayya wanda suka hada Shugaban kwamitin kasafin kudi na Majalisar Tarayya, Hon. (Dr. Abubakar Kabir Abubakar Bichi, Mataimakin Shugaban Majalisar Dattijai Sanata Barau I Jibril da Gwamnan Jihar Kano, Alhaji Abba Kabir Yusuf domin dawowa dasu wajen Iyayensu.

Shugaban kasa, Bola Ahmad Tinubu ya yiwa sabon shugaban sojojin kasa, Major General OO Oluyede karin mukami zuwa mukamin Lieutenant General. Ministan tsaro Badaru Abubakar na daga cikin wadanda suka halarci wajan wannan karin mukami.

An ga wani bidiyo dake yawo a kafafen sada zumunta inda aka ga gwamnan jihar Kano, Abba Kabir Yusuf ya baiwa Tsohon gwamnan jihar, Rabiu Musa Kwankwaso kujerar da yake zaune dan ya zauna. Hakan na zuwane yayin da rahotanni ke yawo cewa an samu baraka a tsakanin Gwamna Abba Kabir Yusuf da Kwankwason. https://www.youtube.com/watch?v=EfYjJ3F6vgM A jiya dai hutudole ya kawo muku rahoton cewa, Jaridar Daily Nigerian tace Abba ya daina daukar wayar Kwankwaso.

Dan takarar shugaban kasa a jami'iyyar Labour Party a zaben shekarar 2023, Peter Obi ya bayyana cewa ko da ya kama matarsa tana cin amanarsa da wani namiji ba zai sake ta ba. Peter Obi ya bayyana cewa aminci da soyayyar dake tsakaninsa da matarsa abune me karfi sosai. Peter Obi yace ko da za'a harbeshi da Bindiga ko ya kamata tana cin amanarsa da wani namiji ba zai iya rabuwa da ita ba. Peter Obi yace matarsa idan ta ga dama ta aikata duk abinda take so shidai ba zai iya rabuwa da ita ba. Peter Obi dai da matarsa, Margaret Brownson sun shafe shekaru 30 da aure.

Mijin daya daga cikin matan da jami'in gwamnatin kasar Equatorial Guinea yayi lalata dasu ya tunkari matarsa ya nuna mata bidiyon ta tana cin amanarsa. Matar dai ta fashe da kuka inda alamu suka nuna ta cika da nadama. https://www.youtube.com/watch?v=9yMz8EMOsv0 Bidiyo 400 ne dai jami'an gwamnatin kasar Equatorial Guinea yayi yana lalata da matan mutane. Tuni dai rahotanni suka nuna cewa yana hannun Gwamnati an kamashi.

Rahotanni sun bayyana cewa, Gwamnatin kasar Equatorial Guinea ta dakatar da dauke bidiyo daga yanar gizo a kasar. Hakan na zuwane bayan da jami'in gwamnatin kasar Baltasar Engonga ya fallasa a Duniya inda aka ganshi yana lalata da mata daban-daban a wasu biyoyi guda 400 da suke ta yawo a kafafen sada zumunta. Ana ganin wannan matakin yunkuri ne na gwamnatin kasar na dakile yada yada Bidiyon badalan na jami'in Gwamnatin. A baya,hutudole ya kawo muku cewa, daya daga cikin matan da yayi lalata dasu ta kashe kanta saboda kunyar bayyanar Bidiyon nasu da surutun da mutane me mata.

Rahotanni da hutudole ke samu na cewa wutar lantarkin Najeriya ta sake lalacewa. Wannan na zuwane kwanaki kadan bayan da wutar Arewa ta lalace aka kai sati 2 a cikin duhu. A wannan shekarar dai akalla wutar Najeriya ta samu matsala har sau 8