Duk Labarai

Gwamnatin tarayya ta musanta ikirarin lauyanta da yace wadanda aka kai gaban kotu a Abuja ba yara bane. idan dai ba'a mantaba a baya lauyan gwamnatin yace wasu ma daga cikin wadanda aka gurfanar na da aure wasu sun kammala jami'an, lamarin da ya jawo cece-kuce. Saidai a sabuwar sanarwar da ministan yada labarai, Mohammed Idris ya fitar yace shugaba Tinubu yace a dakatar da duk wata shari'a da ake akan yaran a sakesu. Sannan kuma yace dukansu yarane. Yace za'a binciki duka jami'an tsaron dake da hannu a lamarin dan ganin ko akwai wanda ya aikata ba daidai ba dan a hukuntashi. Sannan shugaban kasar ya bayar da umarnin kula da yaran da kuma mikasu hannun iyayensu da masu kula dasu cikin aminci.

Gwamnatin tarayya ta kwace aikin gyaran Titin Abuja zuwa Kaduna, zuwa Zaria, zuwa Kano daga hannin kamfanin Julius Berger Plc. Sanarwar hakan ta fito ne daga ma'aikatar ayyuka ta tarayya kuma dalilin hakabya biyo bayan rashin samun matsaya tsakanin kamfanin na Julius Berger da Gwamnatin tarayya akan kudin aikin yanda za'a ci gaba da gudanar dashi. Kamfanin dai na Julius Berger yaki aiwatar da umarnin Gwamnatin tarayyar na ci gaba da aikin gyaran Titin inda ya kwashe ma'aikatansa daga kanntitunan. Tun zuwan Gwamnatin Tinubu,ma'aikatar ayyuka ta tarayya ta kwase watanni 13 tana kokarin sasantawa da kamfanin akan yanda za'a ci gaba da aikin amma abu yaci tura. Dalilin hakane gwamnatin tace ta kwace kwangilar gina titin daga hannun Kamfanin kuma ya kwashe kayansa ya kara gaba. A...

Ministan kudi Wale Edub ya ce ba maganar komawa baya game da batun cire tallafin man fetur dana Dalar Amurka. Ya bayyana hakane a yayin da yake karbar sabon karamin ministan kudi,Doris Uzoka Anite a Hedikwatar ma'aikatar dake Abuja ranar Litinin. Ya bayyana farin ciki da samun karamar Ministar wadda yace zata taimaka wajan cimma tsare-tsaren gwamnatin. A nata bangaren, Ministar tace zata yi aiki da masu ruwa da tsaki dan tabbatar da ganin ci gaban tattalin arziki.

Jam’iyyar All Progressives Congress (APC) mai mulkin jihar Nasarawa a Najeriya ta lashe kujerun shugabannin ƙananan hukumomi 13 na jihar da aka yi. Shugaban hukumar zaɓe mai zaman kanta ta Jihar Nasarawa (NASIEC), Barr. Ayuba Usman, shi ne ya bayyana hakan a hedikwatar hukumar da ke Lafiya,babban birnin jihar. Ya bayyana cewa baya ga kujerun shugabannin ƙananan hukumomi 13, ƴantakarar jam’iyyar APC sun lashe kujerun kansila 140, yayin da jam’iyyar SDP ta lashe biyar, sai kuma Zenith Labour Party (ZLP) ta lashe biyu. Kujerun kansilolin ZLP biyu suna cikin ƙaramar hukumar Doma, na SDP huɗu a Nasarawa-Eggon, da kuma ɗaya a ƙaramar hukumar Keffi. Ya ce jam’iyyun siyasa 14 ne suka fafata a zaben, yana mai cewa amfani da fasaha ya ƙara sanya zaɓen ya kasance mai inganci....

Tsohon kakakin shugaban kasa, Doyin Okupe ya bayyana cewa, 'yan Najeriya zasu sake zaben shugaban kasa, Bola Ahmad Tinubu a zaben shekarar 2027 me zuwa dan ya kammala shekaru 8 kamar ya da doka ta bashi dama. Okupe ya bayyana hakane a hirar da aka yi dashi a gidan talabijin na Channels. Yace idan Tinubu ya magance matsalar wutar lantarki sannan ya maganace matsalar man fetur sannan ya magance matsalar abinci to 'yan Najeriya da kansu zasu fito au ce sai shine suke so ya ci gaba da mulki a shekarar 2027. Yace kuma sunan T-Pain da ake gayawa Tinubu yana nufin wahala ce ta dan lokaci wadda nan gaba zata zama abin Alheri.

{"remix_data":[],"source_tags":[],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{},"is_sticker":false,"edited_since_last_sticker_save":false,"containsFTESticker":false} Dan takarar shugaban kasa na jam'iyyar PDP,Alhaji Atiku Abubakar ya mayarwa da shugaban kasa, Bola Ahmad Tinubu martani kan maganar da ya masa ta cewa tsare-tsaren shi da yake baiwa Tinubu shawarar ya dauka ba'a gwadasu an ga yanda suke aiki ba. Atiku yace gaggawa wajan daukar matakai ba tare da taka tsantsan ba ne da gwamnatin 'yan koyo ta Tinubu ke yi ne ya jefa kasarnan cikin wahala. Atiku yace abin mamaki ne ace bayan da ya yi kiran a kawo gyara,Tinubu ya rasa irin gyaran da zai kawo saidai yace a yi addu'a....

Gwamnatin jihar Sokoto ta kama wata budurwa don tayi kira ga Gwamnan jihar kan halin rashin tsaron da ya addabi garinsu a wani bidiyon da ya yita yawo na budurwar a kafofin sada zumunta inda budurwar take kiran sunan Gwamnan kai tsaye akan lamarin rashin tsaro. Abba Pantami ya samu sahihin labarin cewa a jiya Lahadi Gwamnatin jihar ta tura aka kama budurwar inda a yau Litinin ta gabatar da ita a gaban kotu kan zargin yiwa Gwamnan jihar rashin kunya. A yanzu haka budurwar tana tsare a hannun hukuma a jihar Sokoto, sunan budurwar Hamdiya Sidi dake karamar hukumar Wurno jihar Sokoto, garin nasu yana daya daga cikin yankunan dake fama da matsalolin rashin tsaro. Daga Shafin Dokin Karfe TV

Malaman biyu dai sunyi fice wajen yiwa juna raddi musamman Bello Yabo wanda kusan ana ganin tamkar ba zai iya zama inuwa daya da Pantami ba. Wane Fa’ya zaku yi musu ?

Kotun dake kula da cin zarafin mata da rikicin cikin gida dake Ikeja jihar Legas ta yiwa wani malamin Islamiya daurin rai da rai bayan samunsa da laifin yiwa dalibarsa me shekaru fyade. Malamin me suna Alani Rafiu ya kai yarinyar masallaci inda ya mata fyade kuma ba sau daya ba sannan ya bata kudi dan kada ta gayawa kowa. Mai Shari'a, Justice Rahman Oshodi ya bayyana cewa, malamin ya ci amanar iyayen yarinyar da suka amince dashi suka kaita wajanshi dan ya koyar da ita. Sannan ya bata mata rayuwa a lokacin da ya kamata ace hankalinta na kan karatune. Dan haka ya yanke masa daurin rai da rai sannan yace za'a saka sunansa a cikin rijistar masu fyade na jihar.

Rahotanni daga jihar Borno na cewa a can ma an gurfanar da kananan yara a kotu bisa zargin shiga zanga-zangar tsadar rayuwa da daga tutar Rasha. Wadanda aka gabatar din su 19 ne wanda cikinsu akwai guda 3 wanda kananan yara ne. Wannan na zuwane bayan da aka yi shigen irin hakan a babban birnin tarayya, Abuja. Mai Shari'a, Justice Aisha Mohammed Ali ce ta jagoranci zaman kotun kuma kananan yaran da aka gabatar a gabanta suna da shekaru 14 ne zuwa 15. Babbar Lauya a jihar ta Borno, Hauwa Abubakar ce ta gabatar da karan inda ta zargi wadanda aka gurfanar da batawa Gwamnan Jihar Babagana Umara Zulum suna da kuma tunzura mutane su yiwa gwamnati bore da kuma shirin daukar makamai. Hakanan wasu daga cikinsu an zargesu da daga tutar Rasha. Duka dai sun musanta zargin da ake musu...