Hutudole

Matarnan data zargi Ministan ayyuka, David Umahi da kin biyanta kudin aiki da ta masa, sannan ya nemi su yi soyayya duk da yasan tana da aure, ta wallafa hotunan manyan mutanen da tawa aiki a baya. Ciki kuwa hadda tsohon shugaban kasa, Goodluck Jonathan da Me martaba sarkin Kano, Muhammad Sanusi II. Da sauran manyan mutane da aka gani a hotunan data wallafa. https://twitter.com/i/status/2028765500876976567 Matar dai tace shekaru 12 kenan tun da tawa David Umahi aiki amma yaki biyanta hakkinta.

Matar tsohon Gwamnan Kaduna, Hajiya Hadiza Ismail El-Rufai ta wallafa a shafinta cewa, ICPC sun dauke mata na'urar da take amfani da ita a banki. Tace tana rantsuwa da Allah na'urar ba ta kutsen waya bace. Ta bayyana cewa, cikin kayan da ICPC suka bayyana cewa sun dauka daga gidan Malam Nasiru Ahmad El-Rufai, sun manta su bayyana wannan na'urar tata. https://twitter.com/i/status/2028773296997556584 ICPC dai sun bayyana wayoyi da kwamfutocin tafi da gidanka a matsayin abubuwan da suka gano a gidan malam Nasiru Ahmad El-Rufai. A baya kuma sun zargi cewa, sun gani na'urar yiwa waya kutse.

Wani dan kasar Ghana da ya je kasar UAE ya hadu da shugaban masar UAE Sheikh Mohamed bin Zayed ya mika masa hannu suka gaisa. Shugaban ya tambayeshi daga wace kasa yake? Yace masa daga Ghana, yace masa yana cikin farin ciki? Yace masa Eh. https://twitter.com/i/status/2028536635357536257 Lamarin yasa ana ta yabawa shugaban na UAE saboda rashin girman kansa.

Rahotanni sun bayyana cewa, Hukumar ICPC ta bayyana kayayyakin data gano a gidan tsohon gwamnan jihar Kadunaz Malam Nasiru Ahmad El-Rufai. A baya dai ICPC tace ta gano na'urar yiwa waya kutse a gidan na Malam Nasiru Ahmad El-Rufai. A sanarwar da ICPC ta fitar tace ta gano Wayoyi da kwamfutoci da sauransu da suka hada da Blackberry, Nokia N95, Toshiba, Samsung IDEOS, Google IDEOS, da kuma karin wasu na'urorin hannu guda 18. Sanarwar tace an nade wadannan abubuwan ana bicike akansu. Saidai wani abu da ya dauki hankulan mutane shine cikin abubuwan da ICPC tace ta gano babu wata na'urar yiwa waya kutse a cikinsu.

Dan gidan tsohon Gwamnan jihar Kaduna, Bello El-Rufai ya bayyana cewa tunda jami'an tsaro suka kama mahaifinsa, Malam Nasiru Ahmad El-Rufai yaki musu magana. Yace abinda kawai mahaifinsu ke gayawa jami'an tsaron shine idan suna da wani abu da suke zarginsa dashi, su kaishi kotu. Yace shirun da mahaifin nasa yayi yasa jami'an tsaron na bayyana hakan da rashin basu hadin kai, yace amma kundin tsarin mulki kasa ne ya baiwa mahaifin nasa wannan dama. Yace dalili kenan ma da yasa ICPC din suke shirya karya suna jinginawa mahaifin nasa. Hakan na zuwane bayan da ICPC suka ce sun gano na'urar yiwa waya kutse a cikin gidan Nasiru El-Rufai. Saidai Tuni iyalan Malam Nasiru suka fitar da sanarwa inda suka karyata hakan. Itama Matar Malam Nasiru, Hajiya Hadiza Ismail El-Rufai tace a ...

Yariman Saudiyya Muhammad Bin Salman kenan aka gani yana wanke dakin ka'aba. Da yawa sun jinjina masa saboda rashin girman kan da ya nuna. https://twitter.com/i/status/2028391106790998205

A yayin da abubuwa ke kara kamari a gabas ta tsakiya. Rahotanni na cewa, wata baraka ta kunno kai tsakanin kasar Saudiyya da kasar Amurka. A wata hira da wakilin kasar Saudiyya yayi da Aljazeera, ya koka da cewa qasar Amurka, ta kwashe duk wasu makamanta daka iya tare hare-hare ta sama ta kaisu kasar Israyla. Ya koka da cewa yayin da su kuma kasashen Larabawa da suka baiwa Amurkar Sansani ta ajiye sojojinta an barsu su ji da kansu. Saidai Hukumar tsaro ta kasar Amurka tace suna tarewa kowace kasa barazanar harin da ake kai mata a yankin Larabawan.

Wani Bidiyo ya bayyana a kafafen sada zumunta inda aka ga jami'an tsaron kasar Saudiyya da yawa a dakin Ka'aba wanda ba'a saba ganin hakan ba. Da yawa dai sun rika tabayar ko hakan na da alaka da matsalar tsaron dake faruwa ne ko kuwa wani abu ne na daban. Bidiyon dai yasa mutane da yawa yin tambayoyi. https://twitter.com/i/status/2028209339329368380

Wannan wata 'yar Najeriya ce dake kasar UAE inda tace ba zata dawo gida Najeriya ba duk abinda zai faru da ita saidai ya faru. Ta bayyana hakane yayin da makaman kasar Iran ke ci gaba da zuba a kasar ta UAE. https://twitter.com/i/status/2028247260853674194

Bidiyon Malam Nasiru Ahmad El-Rufai na jawabi ya bayyana. Hakan na zuwane a karin farko tun bayan da ICPC da EFCC suka tsareshi bayan da ya amsa gayyatarsu. Me magana da yawun Malam Nasiru ne ya wallafa Bidiyon jawabin nasa a shafinsa na X. An jishi yana jawo hankalin mutane da su rungumi hanyar Lumana ta warware matsala, idan wata rashin jituwa ko wani abin damuwa ya samu, a kaiwa Hukuma, kamar yanda yace. https://twitter.com/i/status/2028215253205467568 Saidai da Alama an dauki Bidiyon ne tun kamin ya shiga hannun EFCC amma sai yanzu aka sakeshi.