Author: Bashir Ahmed

An hango Tauraruwar Tiktok, Murja Kunya na gayawa Adam A. Zango cewa, ya fito takarar gwamna zasu goyi bayansa. Murja Kunya ta bayyana hakane a yayin da suka hadu da Zango a wajan wani taron Biki. https://www.tiktok.com/@og_adam_a_zango_official/video/7594999270588075285?_t=ZS-933nxCO3BiK&_r=1 An Kuma Ganta suna waka tare da Adamun. https://www.tiktok.com/@og_adam_a_zango_official/video/7594987229353741588?_r=1&_t=ZS-933otP3wqXp

A yayin da Gwamnan Kano, Abba Kabir Yusuf ke shirin komawa jam'iyyar APC, an ganshi tare da dan shugaban kasa, Seyi Tinubu. Wasu sun fassara ganawar da cewa, shirye-shiryen ne na komawar Gwamna Abba jam'iyyar APC. https://twitter.com/i/status/2011154899602715063

Rahotanni sun bayyana cewa, Dr. Rabiu Musa Kwankwaso ya amincewa Abba Kabir Yusuf ya koma jam'iyyar APC. Saidai a wata sabuwar sanarwa daga Jam'iyyar NNPP ta karyata wannan Rahotan wanda kafar Premium times ta ruwaito. Sakataren jam'iyyar ta NNPP, Ladipo Johnson ya bayyana cewa, cewa wannan rahotan ba gaskiya bane. Yace wanda zasu koma jam'iyyar APC su koma amma su daina yaudarar Talakawa da cewa, wai Kwankwaso ya amince musu.

Rahotanni daga garin Daura na jihar Katsina sun bayyana cewa, hukumomi sun kama wata motar Golf dauke da ababen fashewa. Lamarin ya farune ranar 7 ga watan Janairu. Kakakin 'yansandan jihar, DSP Abubakar Aliyu ya tabbatar da hakan inda yace sun kama Direban motar me suna Jamilu Musa dan shekaru 40. Yace an bashi kayan ne daga Kano zuwa Kongolom. Bayan da bincike ya tsananta, an sake kama karin wasu mutane 2, Ibrahim Murtala da Sulaiman Muhammad. Hukumomin 'yansandan sun bayyana cewa, za'a gurfanar dasu a gaban kotu.

Gwamnatin tarayya ta dauki wasu Amurkawa aiki inda zata biyasu dala Miliyan $9 dan su rika gayawa Gwamnatin kasar Amurkar kokarin da suke yi na baiwa Kiristocin Najeriya kariya. Kafar TheCable tace sunan kamfanin Amurkar da zaiwa Gwamnatin Najeriya aiki DCI Group, shi wannan kamfanin aikinsa shine ya rika taimakawa duk wani me son yin hulda da kasar ta Amurka kaiwa Gwamnatin bayani. Dan hakane Gwamnatin tarayya ta daukeshi aiki ya rika kaiwa Gwamnatin tarayya bayanai kan kokarin da take na baiwa Kiristocin Najeriya kariya. Hakan na zuwane yayin sa kasar Amurka ta zargi Gwamnatin Najeriya da cewa, tana bari ana Mhuzghunawa Kiristoci a Najeriya.

Wani masoyin Adam A. Zango ya bayyana cewa, ya ga Adamun a cikin sabuwar motar da mataimakin shugaban kasa, Kashim Shettima ya bashi. Ya dauki Adamun Bidiyo yayin da yake kan titi. https://www.tiktok.com/@kurna_______jr/video/7594850108676541703?_t=ZS-9336Df2ee1p&_r=1

Bidiyon gwamnan jihar Katsina, Dikko Radda da yace aikin gwamna ba dadi sai wahala ya dauki hankula sosai a kafafen sada zumunta. Bayan bayyanar Bidiyon da ya jawo cece-kuce sosai wasu aun nemo Bidiyon gwamnan yana shakatawa. An ga wani Bidiyon gwamnan yayin da yake wasa da doki. Da yawa na cewa ga gwamnan da yake mulki ba dadi. https://www.tiktok.com/@younus_h.b/video/7568991165517729032?_t=ZS-9332hI7EOLB&_r=1

Rahotanni sun bayyana cewa, Dr. Rabiu Musa Kwankwaso yayi amai ya lashe game da komawar Abba Kabir Yusuf APC. A yayin da a baya Kwankwaso ya bayyana cewa komawar Abba APC cin Amanane. A yanzu kuma a wani Bidiyo daya fitar ta bakin me magana da yawunsa, Saifullahi Hassan, Kwankwaso yace ya amince da komawar Abba APC kamar yanda dokar kasa ta bashi damar yi.

Kamfanin Ndivia na kasar Amurka suna shirin gina Otal a Duniyar wata nan da shekarar 2032. Kudin shiga otal din zasu kama Dala $416,667 watau kwatankwacin sama da Naira Miliyan 500. Idan hakan ta tabbata wannan zai zama Otal na farko a Duniyar wata. A shekarar 2029 ake tsammanin fara shirye-shiryen ginin inda ake sa ran kammalawa a shekarar 2031.

An baiwa Gwamnatin tarayya shawarar tasa a dauki Azumi gobe, Laraba dan a taya 'yan kwallon Najeriya, Super Eagles addu'ar nasara. Ranar Alhamis idan Allah ya kaimu za'a buga wasan kusa dana karshe tsakanin Najeriya da me masaukin baki, Morocco. Me sharhi akan harkar tsaro, Deji Adesogan ne ya bayar da wannan shawarar.