Author: Bashir Ahmed

Wannan budurwar ta dauki hankula bayan da ta bayyana cewa, data auri Talaka, gara ta shekara 100 a gaban iyayenta. Ta bayyana hakane a shafinta na Tiktok inda ta kara da cewa dan mahaifiyarta ta auri talaka ita ba zata auri talaka ba. https://www.tiktok.com/@nanabilly_00/video/7595953476450946360?_t=ZS-9388RKvDR8z&_r=1

Rahotanni sun bayyana cewa, wadanda suka tsayawa Tsohon Ministan shari'a, Abubakar Malami aka bayar da belinsa na son janyewa. Hakan yasa lauyoyin Malamin suka je a yau, Juma'a sika samu babban Alkalin kotun tarayya suka nemi ya taimaka a saki Malami daga gidan yarin Kuje. Saidai Sahara Reporters data ruwaito lamarin tace, An yi bayanin ne a sirri ba'a san ba'a bari kowa yasan abinda aka tattauna ba.

Bayan da dan Atiku Abubakar, me suna Abba Atiku Abubakar ya koma jam'iyyar APC. Lamarin ya dauki hankula sosai. Inda har sai da Atikun ya fito yace ra'ayin dansa ne ya koka jam'iyyar APC kuma ba zai tursasa masa ra'ayin siyasa ba. Saidai Rahotanni sun bayyana cewa, a baya, Shugaba Tinubu kamin ya zama shugaban kasa, ya halarci daurin auren dan Atikun da aka yi a Dubai.

Wannan wani dan siyasa ne a Gombi jihar Adamawa, inda ya kai ziyara mazabarsa. Yana tsaka da ganawa da mutanensa sai yaga alamar sun fusata Nan da nan kuwa ya tsere a cikin motarsa. https://twitter.com/i/status/2012087686627258513 A baya dai an samu wasu 'yan majalisa da aka rika yi musu na jaki a mazabunsu.

Hukumar 'yansandan Najeriya reshen Abuja sun bayyana cewa, Har yanzu Beli Kyautane. Hukumar tace duk dansandan daya Bukaci sai an bashi kudi kamin a bayar da beli a kai musu karansa. Hakan ya fito ne daga bakin me magana da yawun hukumar,SP Josephine Adeh. Ta bayyana hakane yayin da ake ta korafi akan wasu 'yansanda da suka ki bayar da beli suka ce sai an biya kudi.

Rahotanni sun bayyana cewa, Kasar Amurka ta ware kudi har Naira N587 billion ($413.046m) dan magance matsalar tsaro a Najeriya da sauran wasu kasashen Afrika. Hakan na kunshene a cikin kasafin kudin shekarar 2026. Hakan na zuwane bayan da Amurkar ta kai hari a jihar Sokoto. Hakanan kuma a baya, kasar Amurka ta kawowa sojojin Najeriya tallafin kayan aiki.

Kotun koli ta tabbatar da daurin da akawa dan gidan tsohon gwamnan jihar Jigawa, Aminu Sule Lamido. A yau Juma'a ne kotun ta yi wannan hukunci inda tace daukaka kara da Aminu Sule Lamido yayi bashi bata bi ka'ida ba sannan ta tabbatar da hukuncin da kotun daukaka kara da kotun Gwamnatin tarayya suka yi akansa. A baya dai kotun daukaka kara ta tabbatar da hukuncin kotun Gwamnatin tarayya akan Aminu Sule Lamido. An dai kama Aminu Sule Lamido ne da Dala $40,000 a filin jirgin sama wanda bai gayawa hukumomi cewa yana dauke da wannan kudaden ba. A hukuncin da aka masa, an bukaci ya baiwa gwamnati kaso 25 cikin 100 na kudin nasa sannan an daureshi a gidan yari.

An ga Attajirin Najeriya, Aliko Dangote a wajan wani taron kamfaninsa na Siminti inda aka ga mawakin kudux Flavour na masa kirari. Da alama kirarin da Flavour kewa Dangoten ya masa dadi inda aka ga Dangote na rausayawa yana tafi har yana daukar Flavour din Bidiyo da wayarsa. https://www.tiktok.com/@bigapple_tv/video/7595662582590016788?_t=ZS-937HMh9WAdt&_r=1

Wannan Bidiyon yanda tsohon dan kwallon Najeriya, Mikel Obi ya fadi kasa yana kuka kenan bayan da Morocco ta cire Najeriya daga gasar AFCON. An ga Obi kansa duke a kasa a cikin dakin daukar labarai. https://twitter.com/i/status/2012066007183958476

shahararren malaminnan na jihar Filato, Abubakar Abdullahi, wanda shine Imam na kauyen Nghar a Barkin Ladi jihar Filato ya rigamu gidan gaskiya. Malamin shine wanda ya baiwa Kiristoci 262 kariya a masallaci da gidansa wanda dalilin hakan ya samu yabo da kyautuka a ciki da wajan Najeriya. Dansa, Saleh Abubakar ne ya tabbatar da rasuwarsa ga gidan jaridar Daily Trust inda yace mahaifin nasu ya rasu ne a daren Alhamis.