Author: Bashir Ahmed

An ga shugaba Tinubu da Agogo wadda akawa farashin Dala $270,000 kwatankwacin Naira Miliyan 387 kenan. An ga shugaba Tinubu da wannan agogon ne a wajan taron Eyo Festival da aka yi a Legas. https://twitter.com/instablog9ja/status/2005648258459451883?t=nOPXcThSTqMJoEF2dNQmaQ&s=19

Rahotanni sun bayyana cewa, Tauraruwar fina-finan Hausa ta cikin shirin Labarina, Zee Diamond wanda aka fi dani da Talatuwa tana kwance ba lafiya. Tana neman Naira Miliyan 25 dan a kaita kasar Egypt a mata aiki. Rahoton yace ta sayar da Gidan abincinta, ta sayar da motarta da duk wani abu data mallaka sannan ta samu taimako daga. Malam Aminu Saira. Rarara A'ishatulhumaira Dan Small da sauransu. Yanzu dai an hada Naira Miliyan 18, Naira Miliyan 7 ake nema dan kaita kasar Egypt. https://www.tiktok.com/@buroshi_mawaka_sokoto/video/7589251434281962772?_t=ZS-92d794AxhLt&_r=1

Shugaban jam'iyyar NNPP na Kano, Hashim Dungurawa ya roki gwamnan jihar Kano, Abba Kabir Yusuf da Dr. Rabiu Musa Kwankwaso cewa kada su fita daga jam'iyyar su koma APC. Yayi wannan roko ne yayin da rahotanni suka fito cewa Abba zai koma APC ba tare da kwankwaso ba. Hashim Yace kada su koma jam'iyyar da suka yi adawa da ita a baya. https://twitter.com/Imranmuhdz/status/2005608656507703722?t=AisssfsQTgvleX2Sx69YVw&s=19

Fasto Adeboye ya roki Mabiyansa cewa su yiwa Allah idan yayi kuskure su daina dauka suna zuwa suna yadawa a kafafen sada zumunta. Yace maimakon haka duk wanda yaji yayi kuskure ya je ya sameshi ya gyara masa, yace babu wanda yafi karfin yin kuskure. https://twitter.com/TENIBEGILOJU202/status/2005523165947019470?t=cRDvjif4qEP_nr6TOD8MCw&s=19 A baya dai, Bishop Oyedepo ya taba cewa an gayyaceshi kasar Amurka a watan Janairu ana tsananin Sanyi amma ya roki Allah aka daina sanyin aka koma zafi saboda baya son sanyi kuma yana dawowa Najeriya sai aka ci gaba da sanyin da ake a kasar Amurka. Hakanan ya taba cewa akwai wata mata da aka yankewa nonuwa saboda cutar kansa amma data shafa wani kyalle da yawa addu'a, sai nonon nata ya sake fitowa.

Tsohon Mataimakin shugaban kasa, Alhaji Atiku Abubakar ya mika sakon jaje ga dan Damben Najeriya, Anthony Joshua bisa hadarin mota da ya rutsa dashi. Yace yanawa Anthony Joshua fatan samun sauki da gaggawa. Sannan kuma ya mika sakon ta'aziyya ga wadanda suka rasu.

A yau, Litinin ne aka samu rahotannin hadarin dan daben Najeriya, Anthony Joshua wanda ya faru akan hanyar Legas zuwa Ibadan. Ya tsira da wasu ciwuka ba masu hadari sosai ba. amma mutane 2 sun rasu a hadarin Wannan Bidiyon yanda aka zakuloshi ne daga cikin motar bayan hadarin. https://twitter.com/whitenigerian/status/2005629578598080815?t=0P7ZEeBhoQjYqesYow9sLg&s=19 https://twitter.com/General_Somto/status/2005621696422879360?t=7b5CzZrOwo0daMpQS2mQ6A&s=19

An ga wani Bidiyon da ya Nuna yanda jami'in DSS ya warce wayar wani dake daukar Bidiyon shugaban kasa, Bola Ahmad Tinubu a legas. Lamarin ya farune yayin bikin Eyo Festival. https://twitter.com/Cleverlydey4u/status/2005569149658186191?t=nRCe_JQUq7jxN_ohm4e1yw&s=19

Shahararren dan damben Najeriya, Anthony Joshua ya tsallake rijiya da baya bayan da wani hadarin mota ya rutsa dashi. Mutane 2 ne suka rigamu gidan gaskiya a hadarin. hadarin ya farune ranar litinin akan hanyar legas zuwa Ibadan. Anthony Joshua ya ji raunuka wanda basu da tsanani sosai.

Dan jam'iyyar APC a jihar Katsina, Bashir 'Yandoma ya roki Gwamnan jihar Katsina, Dikko Radda ya samar musu hulunan Kwano. Yace dalili kuwa idan ba'a yi gyara ba, mutane zasu jefesu da duwatsu. https://twitter.com/jrnaib2/status/2005566799954272541?t=DjgBwMTjvdP2oPaV3mTM6g&s=19 A baya dai an jefi 'yan majalisa a jihohin Zamfara, Kaduna, da jihar Kebbi.

'Yar Siyasa daga yankin Arewa, Naja'atu Muhammad ta yi zargin cewa Donald Trump na America ne ke mulkin Najeriya ba shugaban kasa, Bola Ahmad Tinubu ba. Ta bayyana hakane a wata hira da DCL Hausa ta yi da ita. Tace tunda Najeriya ta samu 'yancin kanta Najeriya bata taba yadda sojojin wata kasa sun shigo cikinta sun kawo hari ba sai lokacin Tinubu. Tace a yanzu Turawa na kara yi mana Mulkin mallaka ne da aka yi a shekarun baya. https://twitter.com/Arewa_Source/status/2005562060768501999?t=NMvj60w3oaEW40g2Ad9GPg&s=19