Author: Bashir Ahmed

Dan Fafutuka, Omoyele Sowore ya je Hedikwatar 'yansandan Najeriya dan ya ga sabon IGP saidai 'yansanda da yawa sun ce masa basu ma san an nada sabon IGP din ba. https://twitter.com/i/status/2026339895707312168 A cewarsu har yanzu Egbetokun ne yake akan kujerar.

Gwamnan jihar Kaduna, Malam Uba Sani ya baiwa Malaman Addinin Musulunci da suka taimaka masa yaci zabe a 2023 tsabar Naira Miliyan 10. Sannan yace a rabawa musu shinkafa kowannensu. Kwamishinan kananan Hukumomi na jihar, Sadiq Mamman Legas ne ya bayyana haka yayin da yake mika kyautar kudin. https://twitter.com/i/status/2026385771251601582

Rahotanni daga Dutsin Ma ta jihar Katsina na cewa, a cikin watan Azumin Ramadana, Hukumar Hisbah ta jihar ta kama wata mata me shekaru 26 tare da dadironta wanda Kirista ne me shekaru 35 a garin Dutsin ma. Rahoton yace an kamasu ne suna zaman dadiro a daki daya duk da ana cikin watan Ramadana. An kamata ne bisa jagorancin Hisbah karkashin shugabanta, Malam Shafi'u Ibrahim. Rahoton dai yace masoyan na zaunene ba tare da aure ba. https://twitter.com/i/status/2026229362165415980

Wannan baturiyar ta bayyana cewa, tana yin Azumin watan Ramadana dun da cewa ita ba musulma bace. Tace tana yi ne dan taya abokanta musulmai. Tace a shekarar data gabata ma ta yi. Inda tace a yanzu tana gwadawa ta ga guda nawa zata iya yi. https://www.tiktok.com/@kalila_matthews/video/7609241480208715026?_r=1&_t=ZS-94C4HmN009p

Wani dan Arewa ya nuna abinda ke cikin kwalin Tallafin Ramadana da aka raba musu. Ya nuna an ga Timatir da Shinkafa, da Taliya da sauransu. https://twitter.com/i/status/2026207971110269288 Saidai an ji yana Korafi. Amma kwalin da aka rabawa 'yan kudu yafi girma.

Wannan wata matashiyace data ce ta ga ana ta maganar mata dake fitowa suna neman mazan aure shine tace itama ba za'a barta a baya ba. Tace shekarunta 24 kuma tana da diya amma diyar na wajan kakarta. Tace kuma dole ne wanda ke son aurenta ya zamana yana da kudi. https://twitter.com/i/status/2025995817354453013

An ga wani Bidiyon Kwankwaso da gawuna da suka hadu a filin jirgin sama. Kwankwaso ya mikawa gawuna hannu su gaisa amma Gawuna yaki yadda ya bashi hannu inda ya durkusa har kasa ya gaisheshi. Hakan yasa wasu ke rade-radin ko dai maganar komawar Gawuna NNPP ya fito takarar shugaban kasa zata tabbata ne? https://twitter.com/i/status/2025933941249614145

Wasu 'yan jihar Kogi sun fito sun nuna rashin jin dadinsu kan yanda gwamnan Kaduna, Malam Uba Sani ya ture gwamnan jiharsu, Usman Ododo. A Bidiyon wanda ya rika yawo a kafafen sada zumunta, wanda kuma hutudole a kawo muku, An ga Gwamna Ododo na tsaye kusa da Gwamnan jihar Imo, Hope Uzodinma kamin Gwamna Malam Uba Sani ya tureshi. Mutanen na jihar Kogi da suke da kungiya a shafinsa X sun bayyana hakan da rashin girmamawa inda suka ce dolene Malam Uba Sani ya fito ya baiwa gwamnan su hakuri. Sun ce wannan abu ya zamarwa gwamnansu abin kunya ana maganarsa ana masa dariya. https://twitter.com/i/status/2026243744165413067

Wannan Bidiyon yanda Gwamnan jihar Kaduna Malam Uba Sani ya ture na Kogi kenan, watau Usman Ododo a wajan taron ganawa da manema labarai a Abuja. A jiyane shugaban kasa, Bola Ahmad Tinubu ya shiryawa gwamnonin Najeriya shan ruwa a fadarsa. Gwamnan jihar Imo, Hope Uzodinma a yayin da zai fara ganawa da manema labarai, ya kira Gwamnoni inda yace su zo su bashi karfin gwiwa inda na Delta dana Kogi suka je suka tsaya a kusa dashi. Saidai Gwamnan Kaduna yazo daga baya ya ture gwamnan Kogi gefe shi ya tsaya kusa da Gwamna Hope Uzodinma. https://twitter.com/i/status/2026197689617039649

Muyiwa Adekeye me magana da yawun tsohon Gwamnan jihr Kaduna, Malam Nasiru Ahmad El-Rufai, yayi cikakken bayani kan halin da El-Rufai ya ke ciki a inda yake tsare a hannun ICPC. Ya bayyana cewa, Malam Nasiru Ahmad El-Rufai yayi fama da zubar jini ta yancinsa. Sannan an hana matarsa ta kai masa abinci kai tsaye, saidai ta baiwa wani jami'i ya mika masa. Adekeye yace sun mikawa kotu korafin neman a bayar da belin Malam Nasiru Ahmad El-Rufai.