Author: Bashir Ahmed

Bankin Duniya ya baiwa Gwamnatin Najeriya shawarar cewa ta ci gaba da tsarin da take kai a yanzu na tsawon shekaru 10 ko 15 idan tana son samun ci gaba ba a Afrika kadai ba harma da Duniya baki daya. Wakilin bankin Duniyar, Indermit Gill ne ya bayyana haka a wajan wani taron tattalin arziki da ya gudana a Abuja. Ya kawo tsare-tsaren gwamnati na cire tallafin dala da mai da saransu wanda ya ce ya kamata a ci gaba da aikatasu dan samun ci gaba me dorewa. Saidai a yayin da yake jawabin, an rika masa ehon ba'a son wannan shawara tasu ta bankin Duniya amma du da haka yace ba lallai ne a yadda da abinda yake fada ba amma gaskiyace.

Gwamnatin tarayya zata sakawa masu samun kudi fiye da Naira Miliyan 100 sabon haraji na kaso 25 cikin 100. Shugaban kwamitin shugaban kasa dake kula da haraji da tsare-tsaren kudade, Taiwo Oyedele ne ya bayyana haka inda yace gwamnati zata fara sakawa maau kudi sosai haraji me yawa. Yace sabon harajin zai fara aiki ne nana da shekarar 2025. Yace mafi yawancin 'yan Najeriya basa biyan haraji saboda rashin yadda da gwamnati. Yace yanzu haka kudirin dokar karin harajin yana gaban majalisar tarayya. Yace zasu samar da yanayin da za'a rika samun bayanai kan biyan Harajin a bayyane kamar yanda kasar Afrika ta kudu ta yi. Ya kuma koka da cewa kaso 17 cikin 100 na 'yan Najeriya ne kadai ke biyan haraji.

'Yan kwallon Kafa na Najeriya Super Eagle sun yi fushi sun dawo gida Najeriya bayan da kasar Libya ta wulakantasu. A baya dai mun kawo muku yanda kasar Libya ta karkatar da jirgin saman Najeriya da gangan zuwa wani gari na daban dake da tazarar tafiyar awanni 2 tsakaninsa da inda zasu buga wasa da kungiyar kwallon kafar ta Libya. Hakan yasa 'yan wasan Najeriyar suka kwashe awanni 13 a filin wasan ba tare da kulawa ba. A karshe dai bisa umarnin hukumar kwallon kafa ta Najeriya, 'Yan kwallon Na Najeriya sun dawo gida ba tare da buga wasa da kasar ta Libya ba. Dama dai wasan na samun gurbin buga gasar cin kofin Nahiyar Africa shine zai tabbatar da zuwan Najeriya gasar da ta bugashi.

Kungiyar 'yan Kwallon Najeriya ta Super Eagle tana can a filin jirgin kasar Libya a tsare inda aka hanasu zuwa ko ina. 'Yan kwallon dai sun je kasar ta Libya ne dan buga wasa zagaye na biyu da kungiyar kwallon kafar kasar ta Libya bayan sun yi nasara da sakamakon 1-0 a zagayen farko da aka buga a Najeriya. Awanni kadan kamin saukar jirgin na 'yan Super Eagle a Libya sai aka canja masa wajan sauka zuwa wani birni me nisa tsakaninshi da inda za'a buga wasa. Bayan saukar 'yan kwallon Najeriyar sai ba'a basu motar da zata kaisu inda zasu buga wasan ba, sannan rahotanni sun bayyana cewa gwamnatin Najeriya ta yi kokarin samarwa da 'yan wasan Najeriyar motar da zata kaisu filin wasan amma hukumomin kasar ta Libya suka hanasu fita daga filin wasan. Ana ganin wannan kamar ramuwa kas...

{"remix_data":[],"source_tags":[],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{},"is_sticker":false,"edited_since_last_sticker_save":false,"containsFTESticker":false} Wannan wani dan bautar kasa ne da ya bayyana cewa wahalar gwamnatin Tinubu tasa ya rame a cikin shekara daya. https://twitter.com/Sadeeq_Malo/status/1845000308331594194?t=Jmv5p_8avlv0IhnVwObctA&s=19 Hotunan nashi sun dauki hankula a shafukan sada zumunta inda akaita bayyana ra'ayi da mamakin yanda ya canja.

{"remix_data":[],"remix_entry_point":"challenges","source_tags":["local"],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{},"is_sticker":false,"edited_since_last_sticker_save":false,"containsFTESticker":false} Kakakin majalisar Wakilai, Godswill Akpabio ya baiwa 'yan Najeriya shawarar cewa duk inda suka ga banza ta fadi ta cin abinci kyauta, kada su yi wasa da wannan damar. Bidiyon bayanin nasa ya watsu sosai a kafafen sada zumunta inda ake ta bayyana mabanbanta ra'ayoyi akai. https://www.youtube.com/watch?v=fIdtxSZDQoY A baya dai Akpabio ya baiwa 'yan Najeriya shawarar su rage yawan motocin da suke hawa saboda tsadar man fetur.