Author: Auwal Abubakar

Kungiyar kishin Yarbawa ta Afenifere ta koka kan karin farashin man fetur da kamfanin mai na kasa,NNPCL yayi. Kamfanin NNPCL ya kara farashin man fetur din daga Naira 617 zuwa Naira 897 akan kowace lita. Kakakin Afenifere Mr Jare Ajayi yace ta yaya kamfanin na NNPCL da bai dade da cewar ya samu riba ba amma a yanzu zai ce wai ana binsa bashi. Kungiyar tace tana baiwa shugaban kasar shawarar da ya yiwa NNPCL magana a maida man farashinsa na baya idan kuwa ba haka ba,wahalar da za'a shiga zata shafe duk wani ci gaban da aka samu a karkashin gwamnatinsa.

Dan kwallon Najeriya, Ademola Lookman ya shiga jerin 'yan wasan da zasu iya lashe kyautar Ballon D' Or ta shekarar 2014. Lookman ya shiga jerin manyan 'yan kwallon Duniya irin su Bellingham, Kylian Mbappe da Vinicius Jr wanda ke gaba-gaba wajan lashe kyautar. Dan wasan yayi kokari sosai a gasar Serie A inda ya ciwa kungiyarsa ta Atalanta kwallaye 3 a wasan da suka buga da Bayer Leverkusen a gasar Europa. Hakanan a gasar AFCON,ya ciwa Najeriya kwallaye 3. A baya dai an yi rade-radin zai koma kungiyoyin Arsenal da PSG saidai a karshe be bar kungiyar tasa ba.

Shugaban gamayyar kamfanonin Dangote wanda ke da matatar mai ta Dangote Refinery ya ce matatar ta shiya tsaf domin fara sayar da tataccen man fétur da disel har ma da kanazir ga gidajen man kasar. Alhaji Aliko Dangote ya shaidawa BBC matatar tana iya samar da fiye da man da ake bukata a kasar. ''Inda mu ke ciki yanzu mun soma yin mai, muna jiran su zo su soma karba saboda abinda aka yi a sabon tsari shi ne za su ba mu man fetur da za mu sarafa wanda za mu basu'', in ji shi. Ya kara da cewa kamfanin mai na kasa NNPCL ne ke da alhakin saka farashin litar man da matatar tasa za ta fitar: ''Wajan saka kudin mai ba a hannunmu yakeba, a hanun NNPC yake ,kawai abinda zan iya tabbatar cewa a yanzu muna da man fetur da Kananzir da disel, duk wadannan wadanda za mu iya ba wa Najeriya fiy...

Wani me adaidaita Sahi/Keke Napep ya kashe mahaifiyarsa sannan kuma ya yanke wasu sassan jikin dansa dan yin tsafi. Mahaifiyar tasa ta ga ya yanki wasu sassan jikin dansa dan yin tsafi inda ta kaiwa dan nasa dauki anan ne a kokarin hanashi aikata wannan laifi ya kashe mahaifiyar tasa. Ya tsere amma alhaki sai ya fada cikin wari rami yayin da yake gudu. Sunan mutumin Amadi Alozie kuma lamarin ya farune a jihar Obingwa, karamar Obingwa a wani yanki da ake kira da Umudosi,kamar yanda jaridar Vanguard ta ruwaito. Tuni dai aka garzaya da dan nasa zuwa asibiti.

Kamfanin man fetur na kasa,NNPCL ya dakatar da sayarwa da 'yan kasuwar man fetur karkashin kungiyar IPMAN da mai. Hakan na zuwane bayan da kamfanin man ya kara farashin man fetur din a gidajen man su zuwa akalla Farashin Naira 855 har zuwa sama. Wakilin kungiyar na IPMAN, Hammed Fashola ya bayyana rashin jin dadi kan lamarin inda yace aun biya kudin sayen man fetur din amma gwamnati ta dakatar da komai. Ya bayyana cewa basu dan dalilin yin hakan ba dan kuwa zuwa yanzu NNPCL bata gaya musu me ya kawo dakatar da sayar musu da man fetur din ba.

Hukumomi a Najeriya sun saka dokar ta baci akan tashar ruwa dake onne jihar Rivers. Hakan ya biyo bayan jiragen ruwa da akai ta kamawa suna dauke da miyagun makamai ne da ake shirin shigowa dasu Najeriya. Lamarin yayi kamari ta yanda an baza jami'an tsaro a tashar jirgin ruwan wanda kuma duk kayan da aka kawo sai an bincikasu yanda ya kamata. Shugaban hukumar Kwastam, Bashir Adeniyi, ne ya bayyana haka yayin ganawa da manema labarai inda yace hakan na barazana ga tsaron Najeriya.

Hukumomi a jihar Anambra sun kama wata mata da 'ya'yanta 2 saboda lakadawa mijinta duka da suka yi. Wadanda aka kama din sune Esther Obidigwe, Ozioma Obidigwe, da Obuka Obidigwe. Mutumin me suna Mr Obidigwe dan kimanin shwkaru 75 ne wanda kuma tsohon ma'aikacin gwamnatine. Yace iyalan nasa sun dade suna hada kai suna dukansa, sai da makwabta suka sa baki sannan ya samu sauki. Yace dukan kwanannan an yi masa shine saboda diyarsa ta sayar da icce ba tare da saninsa ba. Matar tasa dai ta amsa laifinta inda diyar ma ta amsa laifinta inda tace muguntar da mahaifinta ke son yi matace ta juya kansa. An kamasu ne karkashin ma'aikatar kula da walwalar mata ta jihar inda kuma aka mikasu hannun jami'an tsaro.

Masu ababen hawa sun ƙara kuɗin sufuri a Najeriya bayan ƙara kudin litar man fetur. A ranar Talata ne Kamfanin Man fetur na Najeriya (NNPCL) ya yi ƙarin farashin man fetur, daga naira 617 zuwa 855, dangane da inda mutum ke zaune a ƙasar. Sai dai duk da ƙarin farashin litar man fetur ɗin har yanzu ana ci gaba da fuskantar ƙarancinsa a yankunan ƙasar. A Legas, birnin kasuwanci na ƙasar, ana samun dogayen layukan masu shiga mota kasancewar motocin safa ƙalilan ne ke lodi. Paul Eniola Adewusi ta bayyana wa BBC cewa “yanzu na kashe naira 3,500 daga unguwar Victoria Island zuwa Mowe”. Idenyi kuwa cewa ya yi “na biya kudin mota naira 2,000 daga Lakowe zuwa Victoria Island”. Yayin da Mmrimara Ugo ta ce “asalin kudin mota da nake biya 800 ne, amma a jiya sai da na biya naira 1,900...

Wani dalibi a makarantar Apalachee High School dake Winder a jihar Georgia ta kasar Amurka me kimanin shekaru 14 ya bude wuta akan dalibai da malamai a makarantar. Hakan yayi dalilin mutuwar mutane 4 wanda 2 daga ciki malamai ne sai kuma biyu dalibai sannan wasu 30 sun jikkata dalilin lamarin. Hukumomi sun bayyana cewa an kama dalibin Hakanan duka makarantun dake gundunar an kullesu na dan lokaci saboda tsaro kuma an baza jami'an tsaro sosai. Saidai Har yanzu ba'a sake gano wani lamarin ba inda ake tsammanin dalibin shi kadai ya aikata wannan aika-aika.

Aliko Dangote ya bayyana cewa,Farashin man fetur da zai rika sayarwa daga matatarsa gwamnatin tarayya ce zata kayyade farashinsa. Yace majalisar zartaswa ce zata kayyade farashin man kuma yace au ta bangarensu abinda suke jira kenan. Dangote kuma yace mansa na da ingancin da zai yi gogayya da na kowace kasa a Duniya.