Duk Labarai

Tsohon shugaban kasa, Olusegun Obasanjo ya kaiwa takwaransa, Janar Ibrahim Badamasi Babangida ziyara a gidansa dake kan dutse a Minna. An ga Hotunan nasu na ganawa wanda suka kayatar a kafafen sada zumunta.

Dan wasan Barkwanci na Najeriya, Brother Shaggy da wata abokiyarsa da suke a filin wasan kasar Morocco yayin da Senegal ta dauki kofin AFCON, sun yi wani abu da ya dauki Hankula. An gan su suna nuna bacin ransu bayan wasan alamar suna taya kasar Morocco Alhini. Saidai a zahirin gaskiya suna jin dadi ne a ransu, Dalilin da yasa suke nuna Alhini a zahiri saboda suna zagaye da magoya bayan Morocco. Lamarin ya dauki hankula sosai a kafafen sada zumunta https://twitter.com/i/status/2013144134664548675

Wata sojar Amurka 'yar Asalin Najeriya ta bayyana nawa akw biyansu Albashi duk wata. Tace ana biyansu dala $4000 ne duk wata a matsayin albashi, Kwatankwacin Naira Miliyan 5,740,000. Sannan tace idan suka rasa ransu a wajan aikin, akan ba iyalansu dala $500,000, kwatankwacin Naira Miliyan 717,500,000 Ta bayyana hakane a wani Live da suka yi ita da Peller. Lamarin ya dauki hankula sosai. https://twitter.com/i/status/2013492598824939547

Shugaban kasa, Bola Ahmad Tinubu ya aika da me bashi shawara akan harkar sadarwa,Malam Abdulaziz Abdulaziz Kano da yawa Mijin matarnan, Malam Haruna Ta'aziyya. Shugaban ya yiwa Malam Haruna ta'aziyyar Matarsa da 'ya'yansa inda yace za'a hukunta wanda suka yi wannan aika-aika cikin gaggawa.

Wannan wasu 'yan kasar Senegal ne da aka ga suna karatun Qur'ani yayin da kasarsu ke tsaka da wasa da kasar Morocco a wasan karshe na gasar cin kofin AFCON. Bidiyon ya dauki hankula sosai inda musamman musulmai sukai ta cewa masha Allah. https://twitter.com/i/status/2013212823648633122

Shugaban kasa, Bola Ahmad Tinubu ya gana da Gwamnan kano, Abba Kabir Yusuf a fadarsa dake Abuja a yammacin ranar Litinin. Ganawar tasu na zuwane yayin da ake ta rade-radin cewa, Gwamna Abba Kabir Yusuf zai koma jam'iyyar APC. A sanarwar da me magana da yawun gwamnan, Sunusi Dawakin Tofa ya fitar, yace gwamna Abba ya gabatarwa da shugaba Tinubu tsare-tsaren gwamnatinsa ne da suka hada da samar da Tsaro, da Ayyukan ci gaba da kuma Hada kai da Gwamnatin tarayya. A sanarwar da Shugaban jam'iyyar APC na jihar Kano, Abdullahi Abbas ya fitar, yace a yau, Talata ne Gwamna Abba Kabir Yusuf zai karbi katinsa na zama dan jam'iyyar APC. https://twitter.com/i/status/2013278927289012474

Kasar Senegal sun koma gida da Kofin AFCON da suka ciwo daga kasar Morocco. An ga yanda suka samu tarba me kyau daga masoyansu dake jiransu a gida. Hakanan shugaban kasar ta gana da 'yan wasan inda ya jinjina musu. https://twitter.com/i/status/2013486686273953985 https://twitter.com/i/status/2013493710491685313

Abubakar Malami, tsohon Ministan shari'a ya kara shiga komar DSS bayan fitowa daga gidan yarin Kuje bayan da aka bayar da belinsa. An ganshi yana fitowa daga gidan yarin inda DSS duka tareshi suka ce ya shiga sun kamashi. An jishi yana tambayarsu wanene shugabansu sannan ya tambayesu su nuna masa ID card dinsu na aiki. https://twitter.com/i/status/2013271478372811196 Ana dai yiwa Malami sabon zargin mallakar makamai da aka gani a gidansa.

An ga shugaban Hukumar kwallon kafa ta Duniya FIFA da yaje kallon wasan karshe tsakanin kasar Morocco da Senegal ya ji ba dadi bayan da Morocco ta barar da bugun Penalty da aka bata. Da yawa abin ya basu mamaki inda wasu ke cewa ashe suma hukuma na daukar wani bangare da suka fi so. Wasu kuma sun yi zargin cewa bakake ne ba'ason su ci kofin. https://twitter.com/i/status/2013214153549263288

'Yan Najeriya na nuna fushinsu bayan zargin shugaban hukumar tattara Haraji ta kasa, Zach Adedeji ya saka agoguna masu tsada. Wasu hotunansa guda biyu sun bayyana inda aka ganshi sanye da agoguna kirar Patek Philippe daya farashin ta Naira Miliyan 91,898,970 inda kuma dayar farashinta Naira Miliyan 157,905,530. Saidai masu kareshi sun bayyana cewa dama can me kudi ne. Da yawa dai na cewa zasu biya haraji amma ba zasu lamunci a rika satar musu kudi ba. https://twitter.com/i/status/2013141601523060756 https://twitter.com/i/status/2012993406629273664