Duk Labarai

Bidiyon ya bayyana kan yanda mutane suka daka wawar fastoci da katakan da aka yi amfani dasu a wajan taron yakin neman zaben shugaba Tinubu a jihar Bayelsa. Bidiyon da ya watsu sosai a kafafen sada zumunta inda aka ga mata da maza na wawar fastocin da katakan kowa yana daukar nasa. Lamarin ya jawo zazzafar muhawara. https://twitter.com/i/status/2044737240698351839

A zaman kotun dake Abuja da aka yi a yau, Alhamis 16 ga watan Afrilu na ci gaba da shari'ar tsohuwar ministar Jinkai, Sadiya Umat Frouk. Sadiya da dayan wanda ake zargin me suna Bashir Nura Alkali wanda shine babban sakatare a ma'aikatar basu samu halarta ba. Na ukunsu, Sani Nafiu Mohammed ne kadai ya samu halartar zaman kotun. Dan hakane kotun tace a kamosu duk inda suke. Ana dai zarginsu ne da sama da fadi da wasu rarar kudade na dala Miliyan $1.3 wanda ya kamata a ce an mayar da kudaden asusun gwamnati amma sai suka saka a aljihunsu. Sannan akwai wasu kudaden suma da suka kai Naira N746,574,303 da ake zarginsu da sacewa. Jimulla ana musu zarge-zarge guda 21. Ita dai Sadiya ta bayyana cewa ta je neman lafiya ne kasar Saudiyya shiyasa aka jita shiru.

Rahotanni sun bayyana cewa, Jam'iyyar ADC reshen Wike zasu maka jam'iyyar ADC a kotu. Shugaban bangaren su Wike, Hon. Abdulrahman Muhammed ne ya bayyana hakan. Yace yaji ana maganar wai PDP zata hade da jam'iyyar ADC. Yace wannan ba gaskiya bane kuma suna gargadin ADC ta daina wannan magana idan ba haka ba zasu maka ta a kotu.

Wasu matasa a Kano sun fito zanga-zangar rashin wutar lantarki. An ji suna wakar nan ta falle daya ce https://twitter.com/i/status/2044581976686879073

Farashin dala a kasuwar Chanji ta Gwamnati a yau, Alhamis, 16 ga watan Afrilu ya kama akan Naira N1,344.20 kan kowace dala. Farashin ya dan fadi zuwa Naira N1,343.83 kamin daga baya ya dawo. Farashin kasuwar bayan fage kuwa ta garuruwan Kano, Abuja da Legas, Farashin dalar yana akan Naira N1,455 zuwa 1,480.

Wata masoyiyar Peter Obi ta dauki hankula bayan data bayyana cewa kamin shigar Peter Obi Arewa, Mutanen Arewa, Ruwan Kwata suke sha. Tace zuwan Peter Obi ne har ya ginawa 'yan Arewa fanfon Burtsatse. Tace abin ban tausai, bata taba tunanin akwai mutane irinta masu shan ruwan kwata ba. https://twitter.com/i/status/2044554314715111524

Rahotanni sun bayyana cewa, Nafiu Bala Gombe ya fara bin dattawan Arewa akan su sulhuntashi dasu Atiku. Hakannna zuwane bayan da Su Atikun suka ce sun koreshi daga jam'iyyar ADC sannan rahotanni suka bayyana cewa, masu daukar nauyinsa sun yi watsi dashi. Rahoton yace saidai su Atikun sun ce ai shi yanzu ba dan ADC bane kuma basu tare da makaryaci wanda baya cika Alkawari. https://twitter.com/i/status/2044662504195014749

Fadar shugaban kasa tawa Tsohon Ministan shugaban kasa, Atiku Abubakar zazzafan martani game da kalamansa na cewa shine zai yi nasara a zaben 2027. A martanin da me baiwa shugaban kasa shawara kan harkar sadarwa, Daniel Bwala ya baiwa Tinubu, Yace a zaben 2023 ma lokacin Atiku nada wasu tsirarin Gwamnoni a bayansa an yi nasara akansa. Ballantana yanzu da bashi da gwamna ko guda daya. Yace dan haka yasan Shugaba Tinubu ba zai ma bata lokacinsa ya duba sakamakon zabe ba ranar zabe dan yasan shine zai yi nasara. https://twitter.com/i/status/2044540151842415010

Rahotanni daga kasar Yahudawan Israyla na cewa wasu dandazon kudan zuma sun bayyana inda aka ga sun mamaye wasu sassa na kasar. Bidiyon faruwar lamarin ya mamayr kafafen sadarwa inda mutane ke ta muhawara akai. Wasu dai sun rika danganta abin da cewa, kamun Allah ne, wasu kuma suka ce sakayya ce. https://twitter.com/i/status/2044431481162875143

Ministan Tsaro, Christopher Musa ya bayyana cewa yana zargin 'yan siyasa na bangaren adawane ke daukar nauyin matsalar tsaro a kasarnan. Ya bayyana cewa suna yin hakanne kawai dan su nuna cewa Gwamnati ta gaza. Ya bayyana hakane a hirar da aka yi dashi a gidan talabijin na Arise TV. Yace idan aka lura duk idan zabe ya karato sai kaga matsalar tsaro tana ta'azzara. Yace ba sai mutum yabi ta wannan hanyar ba sannan zai samu mulki.