Duk Labarai

Tsohon Gwamnan Kano, Dr. Rabiu Musa Kwankwaso ya jinjinawa Gawuna sosai a yayin da tawagar gawunan suka je masa gaisuwar Sallah. An ji Kwankwaso na fadar cewa Gawuna kwamishinansa ne me daraja kuma yanda yake girmamashi tun yana gwamna har yau bai canja ba. Sannan yace Gawuna bai taba fadar wata magana mara dadi akansa ba. https://twitter.com/i/status/2036720937874108685 Rade-radi dai sun yi yawa akan cewa, Gawuna na shirin komawa Kwankwasiyya inda Ake tsammanin Kwankwason zai tsayar dashi takarar gwamna.

Rahotanni na cewa a kasuwar Duniya, Farashin danyen man fetur ya fadi zuwa dala $100 daga dala $130. Saidai duk da hakan, 'yan kasuwar man fetur din na Najeriya suna ci gaba da sayar da man da tsada a farashin Naira 1,300 akan kowace lita. Saukar farashin a kasuwar Duniya ya farune a yayin da ake tsammanin tattaunawar sulhu tsakanin Amurka da Iran zata haifar da da me ido. Saidai duk da wannan, gidajen man fetur a Najeriya ciki hadda na gwamnati, NNPCL suna sayar da man akan farashi sama da Naira 1,300 a wasu gidajen man ma har sama da hakan. Hauhawar farashin man fetur din a Najeriya yasa an samu hauhawar wasu kayan masarufi dama ababen hawa.

Farashin dala a kasuwar Chanji a yau Laraba, 25 ga watan Maris ya fara ne da 1,375.26. Saidai da gari ya kara wayewa ya dan tashi zuwa Naira ₦1,375.61 akan kowace dala. Wannan a kasuwar Gwamnati kenan kuma yana kasa da farashin ₦1,390 da aka sayar da dalar jiya Talata. Farashin Dalar a kasuwar bayan fage a Legas da Abuja kuwa yana tsakanin Naira ₦1,420 zuwa ₦1,435 ne.

Wannan baturen ya zargi Gwamnatin shugaban kasa, Bola Ahmad Tinubu da cewa, ta biya mutane a kasar fan £500 dan su fito kan titi su yabawa Gwamnatin Tinubu. A kwanakin da ya gabata ne dai shugaban kasa, Bola Ahmad Tinubu ya je kasar Ingila inda ya gana da Gwamnatin kasar akan alakar Najeriya ta kasuwanci da kasar. https://twitter.com/i/status/2036344540169118035

Bayan zaman kotun da aka yi dashi a Jihar Kaduna jiya, Malam Nasiru Ahmad El-Rufai ya zanta da 'yan Jarida. Inda ya gayawa jaridar Daily Trust cewa, idan ya fito, sune na farko da zai yi hira dasu. https://www.tiktok.com/@luperasom/video/7620960315328564487?_r=1&_t=ZS-94yZA08QohV&sp_source=7537614245375297080 A jiya ne dai ICPC ta gurfanar da malam Nasiru Ahmad El-Rufai a kotu inda aka zargeshi da almundahanar kudade wanda ya karyata.

An ga matar tsohon gwamnan jihar Kaduna, Malam Nasiru Ahmad El-Rufai, Hajiya Asia a kofar kotun da ake masa shari'a inda aka hanata shiga. An ji tana fadar cewa, Rayuwace, wannan ma wataran zai wuce. Daga baya dai an shigar da ita cikin kotun ta hanyar baya. https://www.tiktok.com/@luperasom/video/7620898661421026578?_r=1&_t=ZS-94yYA7QAZyD&sp_source=7537614245375297080 A jiya ne dai ICPC suka gurfanar da tsohon Gwamnan jihar Kaduna, Malam Nasiru Ahmad El-Rufai a kotu inda ake tuhumarsa kan zarge-zargen almundahanar kudade.

Wannan wata Tauraruwar fina-finan Hausa ce da ta fito ta bayyana cewa, Qari ya fito mata a hannu sannan take neman taimakon Ali Nuhu, Abba El-Mustapha da sauransu su taimaka mata a mata aiki. An ga Bidiyon nata a kafafen sada zumunta inda ya dauki hankula da yawa sun tausaya mata. https://www.tiktok.com/@i_a_sarari/video/7620898247309102356?_r=1&_t=ZS-94yWZthM0wa&sp_source=7537614245375297080

Tauraron fina-finan Hausa, Sadiq Sani Sadiq yayi kira ga 'yan Arewa kada su sake zaben gwamnatin shugaban kasa, Bola Ahmad Tinubu saboda azzaluma ce. Sadiq ya bayyana hakane a wani Bidiyonsa daya dauka a wata kasuwa inda aka ga yana magana cikin fushu. Ya zargi gwamnatin Tinubu cewa bata son Arewa, inda yace sun kawo haraji da Rashin Tsaro. Ya karkare maganarsa da cewa kada a sake zaben Tinubu a matsayin shugaban kasa inda yace idan kunne yaji.... https://www.tiktok.com/@kamalkmann/video/7620830467448720660?_r=1&_t=ZS-94y3ShKLgNF&sp_source=7537614245375297080

Ministan wutar Lantarki, Adebayo Adelabu ya baiwa 'yan Najeriya hakuri kan rashin wutar da ake fama da ita a 'yan kwanakinnan. Ya bayyana hakane a ganawar da yayi da manema labarai a Abuja ranar Talata inda yace musamman a wannan lokacin zafin da ake ciki rashin wuta akwai damuwa. Yace amma suna bayar da tabbacin nan ba da jimawa ba zasu gyara wutar.

Fada ya barke tsakanin mata sojojin Najeriya su biyu. Karamar soja ta zargi wadda ke samanta da kokarin kwace mata saurayi. An ji suna cacar baki inda daga baya kuma fada ya kaure tsakaninsu. https://twitter.com/i/status/2036377825804967988