Duk Labarai

{"remix_data":[],"remix_entry_point":"challenges","source_tags":[],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{},"is_sticker":false,"edited_since_last_sticker_save":false,"containsFTESticker":false} Tauraruwar fina-finan Hausa, Rahama Sadau ta bayyana cewa, duk rintsi suna tare da mataimakin shugaban kasa, Kashim Shettima. Ta bayyana hakanne a shafinta na sada zumunta. Hakan na zuwane bayan da aka zargi shugaban APC, Dr. Abdullahi Umar Ganduje da kiran sunan Tinubu ba tare da hadawa da Kashim Shettima ba a wajan yakin neman zabe. Lamarin ya jawo hatsaniya wanda da kyar aka fitar da Gandujen daga wajan taron.

Tauraron Tiktok, Gfresh Al-amin ya bayyana cewa, hadarin da Adam A. Zango yayi maganar gaskiya ya daku. Yace kawai dai saidai ace Allah ya bashi lafiya. Yace ba dan Allah ya kiyaye ba da saidai a ji wani labarin. Gfresh ya bayyana hakane a wani sabon Bidiyon da ya saki. https://www.tiktok.com/@gfreshfanpage/video/7516246945053166904?_t=ZM-8xElmsXd0IH&_r=1 A baya dai Gfresh yayi kiran a daina yawan zuwa gaida Adam A. Zango saboda ya samu ya huta.

An yi bikin ranar 'yan mazan jiya ta kasar Amurka inda aka tuna yanda Amurka ta yi yaki a yakin Duniya na daya daga biyu. Saidai wani abin mamaki shine ganin sojojin kasar Amurka basu iya fareti ba. Basa hada kafa su yi faretin, tafiya kawai auke yi. https://www.youtube.com/watch?v=73LspdTrhYw Da yawa masu sharhi sun ce alamace cewa basu yi atisayen yin faretin dan wannan rana ta musamman ba. Saidai Wasu masu sharhin na cewa, hakan ta farune saboda sojojin da yawansu ba bangaren fareti suke ba, suna da wasu ayyukan daban da sukw yi a cikin gidan sojan na kasar Amurka.

Shugaban kasa, Bola Ahmad Tinubu ya baiwa jami'an tsaron Najeriya umarnin su gaggauta magance matsalar tsaron Najeriya. Tinubu ya bayar da wannan umarnine biyo bayan rahotanni dake cewa an kashe mutane kusan 200 a jihar Benue. A baya dai har shugaban sojojin Najeriya sai da ya sanar da komawa jihar ta Benue da dama saboda kamarin matsalar tsaron jihar. Cikin wadanda aka kashe a wannan sabon harin hadda jami'an tsaro 5.

Tsohon Ministan matasa sa wasanni, Solomon Dalung ya bayyana cewa ko da shugaban kasa, Bola Ahmad Tinubu dansa Seyi zai baiwa shugaban hukumar zaben me zaman kanta INEC ba zai ci zaben shekarar 2027 ba. Ya bayyana hakane a hirar da aka yi dashi a gidan jaridar Sunnews. Yace Tinubu ya ja dagar yaki da mutanen Najeriya saboda jefasu a halin yunwa da yayi wanda ba'a taba samun irin hakan ba a tarihin Najeriya. Dalung yace ko da tururuwar da ake ta shiga APC ba wai dan farin jinin shugaba Tinubu bane, ana yi ne saboda kare muradun siyasa da kuma tsoron kamu.

Tsohon mataimakin shugaban kasa, Atiku Abubakar ya taka rawa shi da matarsa, Titi Abubakar a yayin da take bikin cika shekaru 75 da haihuwa. Atiku yace shekararsu sama da 50 da aure inda ya jinjinawa matar tasa da cewa ta yi hakuri da halinsa. https://www.youtube.com/watch?v=8BT8ZiqApF4 Atiku yace duka iyayensu biyu basu son aurensu amma a haka suka yi auren da bokai biyu kawai da suka halarta.

Wani likita dan Najeriya dake aiki a kasar Ingila an daukeshi tsawon shekara daya saboda sumbatar wata mata marar lafiya dake karkashin kulawarsa. Likitan me suna Adewale Kudabo ya fara sumbatar marar lafiyar ne a lebenta yayin da take kwance bata iya motsi sannan ya sake sumbatar ya a karo na biyu. Lamarin ya farune a Asibitin York Hospital. Saidai likitan yace ba da wata manufa yayi hakan ba yana son nuna jin kai ne ga marar lafiyar kuma ba a lebenta ya sumbaceta ba, ya sumbaceta ne goshi. Marar lafiyar ta gayawa kotu cewa, sam bata ji dadin abinda ya mata ba ya sakata a fargaba da tsoro da damuwa. Lauyan wanda akw zargi yace sun amsa laifin wanda ake zargin amma suna neman sauki saboda wannan ne karin farko da ya aikata wannan laifi. Mai shari'a Alex Menary yace ya gam...

Shugaban kasa, Bola Ahmad Tinubu ya taya tsohon shugaban kasa, Janar Abdulsalam Abubakar me ritaya murnar cika shekaru 83 da haihuwa. A sanarwar da ya sanyawa hannu ranar Lahadi, Shugaba Tinubu ya bayyana Abdulsalam Abubakar a matsayin mutum me dattako wanda ke son zaman lafiya. Yace yayi rayuwa me kyau wadda tasa ma'aikatan gwamnati da yawa ke son yin koyi dashi.

Tsohon Ministan matasa da wasanni, Solomon Dalung ya yi zargin cewa wataran za'a tashi kawai majalisar Dattijai ta mayar da shugaban kasa, Bola Ahmad Tinubu shugabab dindindin har iya tsawon rayuwarsa. Ya bayyana hakane a hirar da aka yi dashi a jaridar Sunnews. Solomon Dalung yace 'yan majalisar saboda tsabar biyayyar da suke wa shugabab kasa, Bola Ahmad Tinubu idan suka ganshi sai ka ga kamar irin jikoki sun ga kakansu. Yace irin biyayyar da suke masa ta yi yawa zata sa a rika yiwa kundin tsarin mulkin Najeriya karan tsaye ba tare sa bin doka ba wajan gudanar da gwamnati.

Biyo bayan zaman sulhu da sasanci da ƴan bindiga a ƙaramar hukumar Ɗanmusa ta jihar Katsina ƴan bindigar sun sako mutanen da suke garkuwa dasu Goma Sha Shidda tare da bada wasu bindigogi dake hannun su. A ƙoƙarin su na ganin an samu zaman lafiya shuwagabannin sojoji dake jagorancin rundunar jami'an tsaron Operation Fasan Yamma haɗin guiwa da sauran masu ruwa da tsaki sun jagorancin zaman Sasanci a ƙaramar hukumar Dan Musa. Inda ƙasurguman ƴan bindiga da suka haɗa da Kamulu Buzaru, Manore, Nagwaggo, Lalbi, Alhaji Sani, Dogo Baidu, Dogo Nahalle, da Abdulkadir Black suka aje makaman su bisa raɗin kansu tare da sako waɗanda suka yi garkuwa dasu a ranar 14 June 2025. Ƴan bindigar sun bayyana cewa sun miƙa wuya kuma dagaske suke akan wannan sasancin, inda makaman da suka bada aka miƙa s...