Duk Labarai

Tauraron dan kwallon Kasar Senegal, Sadio Mane ya bayyana cewa, wannan shine wasansa na karshe a gasar AFCON. Mane ya bayyana hakane bayan nasarar da Senegal ta samu akan Morocco da ci 1-0. Saidai yace zai kasance tare da kungiyar kwallon kafar kasar Senegal a koda yaushe dan nuna musu goyon baya. https://twitter.com/i/status/2013137841514029267

A yayin sa labarai suka bayyana cewa, gwamnan Kano, Abba Kabir Yusuf zai koma jam'iyyar APC daga NNPP, har yanzu komawar tasa bata tabbata ba. Sau biyu kenan ana daga shirin komawar Abba APC saboda wata matsala. Rahoton yace, Dalilin da ya hana abba komawa jam'iyyar APC shine bukatun da ya gabatarwa da jam'iyyar ta APC wanda ita uma har yanzu bata amince dasu ba. Jaridar Thisday tace Gwamna Abba ya bukaci APC ta bashi tabbacin samun tikitin takara a 2027 ba tare da hamayya ba, hakanan ya bukaci a bashi damar aika sunayen wadanda za'a baiwa Ministoci zuwa Gwamnatin tarayya. Saidai wani dake kusa da Tsohon gwamnan jihar kuma tsohon shugaban jam'iyyar APC, Dr. Abdullahi Umar Ganduje, ya bayyana cewa akwai gwamnoni da yawa da suka koma APC wadanda basu nemi wadannan bukatu ba. ...

Kungiyar goyon bayan Atiku Abubakar, me suna Atiku Haske Organization ta kori dan Atikun me suna Abba Atiku bayan da ya koma jam'iyyar APC. Abba ya canjawa kungiyar suna zuwa ta goyon bayan Tinubu saidai shugaban kungiyar, Musa Bakari ya ce dan Atiku bai da hurumin canjawa kungiyar suna ko ya bayar da umarni ga mabiya kungiyar. Yace sune suka kafa wannan kungiyar kuma shahadar yi mata rijista na hannunsu. Yace dan haka sune masu gudanarwar kungiyar ba dan Atikun ba. Dan haka yace sun koreshi daga kungiyar.

Wannan wani dan Najeriya ne da a shekarar 2020 ya sayi kayan abinci akan Naira 25,000. Saidai a shekarar 2026 da muke ciki ya koma ya sake sayan kalar wadannan kayan abincin komai da komai saidai farashinsu ya karu zuwa Naira 147,000. Hakan na nufin farashin kayan ya karu da kusan kaso 6 kenan. Ya kuma wallafa rasit din abin a shafinsa na X. Lamarin dai ya dauki hankula sosai inda akai ta tattauna yanda farashin kayan masarufi ke kara tashi. https://twitter.com/i/status/2013142426169561153

An ga wasu magoya bayan Kwallon kafa na Senegal sun koma bayan fili suka yi Sallah, yayin da ake tsaka da wasa. Kallon kwallon be shagaltar dasu daga yin sallah ba. Da yawa musamman Musulmai sun jinjina musu. https://twitter.com/i/status/2012450763994251651

A yayin da wasan Senegal da Morocco na jiya ya kusa zuwa karshe, An baiwa Morocco bugun daga kai sai me tsaron gida wanda baiwa 'yan wasan Senegal dadi ba. Hakan yasa 'yan wasan Senegal suka fita daga filin a matsayin wata hanya ta nuna fushinsu. Saidai Kyaftin dinsu, Sadio Mane ya tsaya inda ya rika kiransu su dawo cikin fili a ci gaba da wasa, hakan ya jawo masa yabo sosai. Kuma bayan dawowarsu sai suka sakawa Morocco kwallo 1 wadda hakan ya basu nasarar daukar kofin. https://twitter.com/i/status/2013024634082337009

An ga wata Dambarwa data faru tsakanin magoya bayan kasar Senegal da jami'an tsaron kasar Morocco. Bidiyon da ya watsu a kafafen sada zumunta ya nuna yanda dambarwar ta kasance inda akai ta dauki ba dadi, da yawa dai sun jinjinawa magoya bayan kasar ta Senegal. https://twitter.com/i/status/2013009957570949487

Golan Senegal Yehvan Diouf wanda ke wajan fili yayin da ake wasa, ya rikewa bokin aikinsa tsumman goge zufa ya hana ma'aikatan Filin wasan daukarsa. A wani Bidiyo da ya karade kafafen sada zumunta, an ga golan yana kokawa da ma'aikatan filin yayin da suke ta kokarin kwace tsumman daga hannunsa. https://twitter.com/i/status/2013065997125566495 A baya dai, An ga yanda ma'aikatan filin suka dauke tsumman na goge zufar golan Najeriya, Nwabali wanda hakan ya jawo cece-kuce sosai.

Shugaban kasar Senegal ya jinjinawa 'yan wasan kasarsa bayan da suka yi nasarar daukar kofin AFCON. Ya bayyana cewa sun basu aiki kuma sun gudanar da aikin yanda ya kamata. Senegal ta doke me masaukin baki, Morocco da ci 1-0 inda hakan ya bata damar lashe kofin na AFCON. Shugaban yace 'yan wasan nasa sun yi wannan nasara ne duk da kalubalen da suka rika fuskanta.

Tauraron fina-finan Hausa, Musa Mai Sana'a ya bayyana cewa mataimakin shugaban kasa, Kashim Shettima ya masa kyauta ta hannun Ali Nuhu. Ya bayyana hakane a wani Bidiyo da ya fito yakewa Ali Nuhu da mataimakin shugaban kasar godiya. Saidai be bayyana irin kyautar da aka masa ba https://www.tiktok.com/@maisanaakanotv/video/7596653199013022988?_t=ZS-93BDfn9OYTI&_r=1 A baya dai Musa Mai Sana'a ya fito yace ya kashe Miliyoyin Naira wajan yiwa Gwamnatin Tinubu hidima amma ba'a bashi komai ba. Hakanan Kashim Shettima yawa Adam A. Zango babbar kyauta ta mota.