Duk Labarai

Peter Obi ya yi gargadin cewa zai iya barin jam'iyyar ADC. Ya bayyana hakane a shafinsa na sada zumunta. Ya bayyana cewa muddin zaben fidda gwani na jam'iyyar ya zama cewa da kudi za'a yi amfani to ba zai zauna a jam'iyyar ta ADC ba, zai fice.

Tauraruwar fina-finan Hausa, Momi Gombe ta dauki hankula sosai a kafafen sada zumunta bayan da aka ga wani Bidiyon ta inda ya nuna kirjinta a waje. Da yawa sun ta bayyana mabanbanta ra'ayoyi akai inda wasu ke nuna bai dace ba, wasu kuwa cewa suke ta burgesu. https://www.tiktok.com/@hausa.comedy.nishadi/video/7628158113757089032?_r=1&_t=ZS-95Vs9pE3tR2

Shugaban Kiristoci, Pope Leo ya kai ziyara kasar Algeria. Sannan ya kai ziyara babban Masallacin kasar inda aka ga ya cire takalmi. Hakan ya jawo masa yabo sosai. https://twitter.com/i/status/2043709233519358172

Wani me sunan Hon. Muh'd Raji Sulaiman Zumo ya bayyana a jihar Adamawa inda ya bayyana cewa, shine shugaban jam'iyyar ADC na jihar. Hakanan ya bayyana cewa ya dakatar da Atiku Abubakar da kuma Babachir David Lawal da sauran wasu 'yan jam'iyyar ADC din ta jihar Adamawa. https://twitter.com/i/status/2043733152972025887

Tsohon Gwamnan jihar Kaduna, Malam Nasiru Ahmad El-Rufai ya bayyana a gaban babbar kotun jihar Kaduna inda ake ci gaba da shari'arsa. Ana tsammanin Kotun zata yi hukunci game da neman belin da El-Rufai yayi. Duk da yana daure, a yau, Malam Nasiru Ahmad El-Rufai yayi magana akan babban tarin jam'iyyar ADC, watau Convention. https://twitter.com/i/status/2043641829753602147

Farashin Dala a kasuwar Chanji ta Gwamnati a yau, Litinin ta fara ne akan Naira N1,358.84 akan kowace dala. Farashin ya dan tashi zuwa Naira N1,358 kamin daga baya ya koma farashin sama. A kasuwar bayan fage kuwa dake Lagos, Kano da Abuja, Farashin dalar na tsakanin Naira N1,460 zuwa Naira N1,460 ne.

Rahotanni daga jihar Adamawa na cewa, rikicin jam'iyyar ADC ya munana tsakanin Aishatu Dahiru Binani da Babachir David Lawal. Rikicin yayi kamari ta yanda yanzu haka Binani da Elisha Abbo zasu yi zama da magoya bayansu dan yanke shawarar ci gaba da zama ko ficewa daga jam'iyyar ADC. Hakan na zuwane yayin da magoya bayan Binani ke ta kira a gareta da cewa, ta fice daga jam'iyyar ta ADC. Magoya bayan Binani na cewa, shekaru 10 tana rike da jam'iyyar amma gashi daga baya su Babachir sun zo zasu kawo tarnaki. Yanzu dai abin jira shine a ga matakin da Binani zata dauka

Fadan cacar baki ya barke tsakanin tsohon Mataimakin shugaban kasa, Atiku Abubakar da mataimakin shugaban kasa, Kashim Shettima. Kashim Shettima ne ya fara tsokana inda yace Atiku ya fadi ayyuka 8 na ci gaba da yayi a Arewa da mutane 8 da ya taimaka a Arewa. Saidai a martaninsa, Atiku yace wannan rashin kunyane, Kashim Shettima bashi da kunya, domin a girme, ya girmeshi bai kamata ya kalleshi ya rika gaya masa irin wannan maganar ba. Sannan yace ba zai bashi amsa ba. Atiku yace idan ma aikin Gwamnati ne, yafi Kashim Shettima iyawa da Kwarewa. https://twitter.com/i/status/2043456696903680318

Tauraruwar Tiktok me amfani da sunan Hafseey ta bayyana cewa a daina Zaginta. Tace maimakon zagin da ake mata, me zai hana a samu wani yayi taimakon Musulunci ya aureta? Ta bayyana hakane a shafin nata na Tiktok inda tace duk wanda yasan da gaske yake kuma yana da sana'a ya fito ya mata magana da DM. https://www.tiktok.com/@hafseeyyarmalam1/video/7627408585479245077?_r=1&_t=ZS-95U0PZLKaaf

Dan majalisar Wakilai, Alhassan Ado Doguwa da Tsohon shugaban jam'iyyar APC, Dr. Abdullahi Umar Ganduje sun bayyana wanda suke so a baiwa Mataimakin Gwamnan jihar Kano. Duka su biyun sun bayyana Murtala Garo a matsayin wanda suke son a baiwa mataimakin Gwamnan jihar ta Kano. Doguwa ya bayyana hakane a wata sanarwa da ya fitar ranar Lahadi a Abuja. Rahoton yace an cimma matsayar a zabi garo a matsayin mataimakin Gwamnan jihar Kano ne bayan wani zama da masu fada aji na jam'iyyar APC a jihar Kano suka yi ranar Asabar. Kuma kaso 90 cikin 100 na mutanen suka ce sun amince a zabi Garo a matsayin mataimakin gwamnan jihar.