Author: Bashir Ahmed

A wani Bidiyo da yake yawo a kafafen sada sumunta, An ga Gwamnan Bauchi, Sanata Bala Muhammad ya cewa wani da ya zauna a kusa da Me Martaba Sarkin Bauchi ya tashi. Gwamnan ya cewa wanda ya zauna din me zai sa ya zauna kujera daya da Sarkin Bauchi? Yacewa Sarkin yana wasa da kujerar Sarauta. https://twitter.com/i/status/2007746894899138776 Gwamnan ya fadi maganar cikin tsawa. Wasu dai sun ce Gwamnan bai kyautawa mutumin ba inda wasu ke bayyana cewa, shugaban karamar hukuma ne.

Wani Rahoto da babban bankin Najeriya, CBN ya fitar yace, Bankukan Najeriya sun rufe rassa 229 a fadin kasar saboda raguwar yawan mutanen dake zuwa bankunan. Rahotan yace yawanci mutane na zuwa POS ne dan cirewa ko saka kudi maimakon su shiga Banki. Rahoton ya kara da cewa, an saka kudi sau 5,373 a shekarar 2023 inda a shekarar 2024 kuma aka saka kudi sau 5,144 wanda hakan ke nuna cewa yawan kudaden da ake sakawa a Bankuna sun ragu.

Wannan wata tsohuwa ce data bayyana cewa, tasan a Lahira Inyass zai ceceta. Kuma wani dan Darika yace wai yayi Mafarki da Inyass ya bashi tabbacin cewa zai ceceta. https://www.tiktok.com/@garkuwa.kaninanisee1/video/7591300377732041992?_t=ZS-92mz0gz4T2n&_r=1

Tauraron mawakin Hausa, Musbahu M. Ahmad ya bayyana a wani bidiyo yana ihu yana fadar cewa Gwamnatin Kano zata yi jifar Gafiyar Baidu saboda komawar Gwamna Abba jam'iyyar APC. Saidai wannan abu da yayi, ya dauki hankulan mutane inda wasu ke cewa, hakan bai kamata ba. Wasu sun rika bayyana cewa, da sun dauki Musbahu me hankali amma yanzu ya fadi ba nauyi a wajansu. https://www.tiktok.com/@misbahumahmad/video/7591184674844675348?_t=ZS-92mvgyQjbRh&_r=1

Malamin Addinin Islama, Sheikh Lawal Triumph ya bayyana cewa Biliyan 1 ce aka baiwa Sheikh Khalifa Sani Zaria akan ayi tsafi dan a yi nasarar yiwa shugaban kasa, Bola Ahmad Tinubu juyin Mulki. Yace dalili kenan da yasa aka kamashi. Malam yace yasan da hakane ta hanyar kiran waya jihar Abinda ya faru, watau, Kaduna inda aka bashi wannan labari. Duk da yake malam bai bayyana sunan malamin da yake nufi ba, da yawa sun fassara cewa, da malam Sheikh Khalifa Sani Zaria yake. Yace irin wannan abinne ba za'a taba ganin dan Izala a ciki ba. https://www.tiktok.com/@sobman_fans_pantami/video/7591237341218442514?_t=ZS-92mrwD8jpNh&_r=1

Rahotanni sun bayyana cewa a watan Nuwamba na shekarar 2025 yawan kudaden da 'yan Najeriya suka kwashe daga bankuna sun kai Naira Biliyan N264.48. Hakan ya kawo yawan kudaden da ke a hannuwan mutanen Najeriya zuwa Naira Tiriliyan N4.91tn wanda sun ki Kaisu banki. Hakan na zuwane yayin da gwamnatin Tarayya ta fara karbar kudaden Haraji a hannun mutane.

Fasto Adeboye ya bayyana cewa ya taba zuwa kasar waje zai shiga dakinshi wata mata ta bishi. Ta daga jikinta duk tabo a jikin nata. Sai ta nemi ya mata addu'a. Yace yana mata addu'a duk tabon jikin nata ya bace. https://twitter.com/i/status/2007703255237964151

Rahotanni sun ce a yau Lahadi, 4, ga watan Janairu na shakerar 2026 ne za'a yi jana'izar abokan dan Damben Najeriya, Anthony Joshua 2 da suka rasu a hadarin mota da ya rutsa dasu a Najeriya. Za'a yi jana'izar ne a masallacin Landan. Hakan zai baiwa 'yan Uwa da abokan arziki damar halartar sallar Jana'izar tasu a yau. Rahotanni sun ce Anthony Joshua ya koma Landan din.

Rahotanni sun bayyana cewa, An yi yunkurin yiwa shugaban kasar Burkina Faso, Ibrahim Traore Jhuyin mulki. Saidai Yunkurin bai yi nasara ba. Lamarin ya farune a ranar Asabar. Kafafen watsa labarai na asar sun zargi hannun kasashen waje a lamarin.

Wani Inyamuri me suna Chinonso ya yi kira ga jam'iyyar ADC cewa, kada su amince da Dr. Rabiu Musa Kwankwaso inda yace yana zargin zai je jam'iyyar ne dan yawa Tinubu aiki. Ya bayyana cewa shi ko fadan Kwankwaso da Abba yana ganin shiri ne kawai. https://twitter.com/i/status/2007561248528052420 Jaridar Thisday tace ana tattaunawa tsakanin Kwankwaso da jam'iyyar ADC inda yake shirin komawa can yayin da Gwamnan Kano Abba Kabir Yusuf ke shirin komawa APC. Hakanan shima a jawabinsa, Kwankwaso yace akwai jam'iyyar da suke tattaunawa da ita yake son komawa amma kuma yana son a bashi takarar shugaban kasa ko ta mataimakin shugaban kasa. j