Author: Auwal Abubakar

Shahararren dan din din kudu kuma dan siyasa a jihar Legas, Desmond Elliot wanda aka bayyana cewa dan luwadi ne ya fito ya karyata wannan zargi da akw masa. Shafin Gistlover ne ya wallafa sunayen wasu 'yan Fina-finan kudu inda yace duk 'yan luwadi ne wanda lamarin ya jawo hauragiya a kafafen sada zumunta. Saidai a hirar da aka yi dashi a gidan Talabijin na TV, Desmond Elliot ya musanta wannan zargi inda yace wasu ne kawai ke son bata masa suna. Kalli Bidiyon jawabinsa anan Yace yana da abubuwa da yawa da yake mayar da hankali akai fiye da irin wadannan gulmace gulmacen da ake yadawa akansa.

Wata matashiya 'yar shekaru 30 ta koka da rashin tsayayye. matashiyar wadda bidiyonta ya yadu sosai a kafafen sada zumunta ta bayyana cewa yawancin irin mazan da take so basu shirya aure ba. Matashiyar tace a baya ta samu wadanda ke son aurenta amma matsalar shine ba kalar mazan da take so bane.

Jakadan kasar Israela a Najeriya, Michael Freeman ya bayyana cewa, ba a gabas ta tsakiya ba kadai ayyukan ashsha na kasar Iran suka tsaya ba. Yace ayyukan na kasar Iran sun shigo yankin Africa musamman Najeriya. Ya kara da cewa, kasar ta Iran ce ke son ta tarwatsa Najeriya. Ya bayyana hakane ranar Talata a Abuja wajan hada rahoton cikar harin da kungiyar HAMAS ta kauwa kasar ta Israela na October 7. Mutane 396 ne dai kungiyar ta Hamas ta yi garkuwa dasu bayan hare-haren da suka kai inda daga baya suka saki wasu daga ciki bayan shiga tsakani da kasar Amurka da Majalisar dinkin Duniya suka yi. Saidai har yanzu akwai mutane 101 a hannun kungiyar ta Israela. Freeman ya bayyana kasar Iran a matsayin shedaniyar kasa wadda yace tana amfani da karnukan farautarta irin su Hamas...

Gwamnatin tarayya ta kashe Naira Biliyan 5 daga cikin kudin 'yan Najeriya wajan gyaran gidan mataimakin shugaban kasa, Kashim Shettima dake Legas. Hakan ya bayyanane a shafin GovSpend wanda shafine dake saka ido kan yanda gwamnatin Najeriya ke kashe kudaden talakawa. Shafin ya nuna cewa gwamnatin ta kashe jimullar Naira N5,034,077,063 a watan Mayun da September dan gyara gidan mataimakin shugaban kasa dake Legas. Hakanan Ministan Abuja,Nyesome Wike shima ya bayyana cewa, zasu kashe Naira Biliyan 15 dan ginawa mataimakin shugaban kasar gida a Abuja.

'Yansanda a jihar Adamawa sun kama wani matashi me suna Ali Yaro dan kimanin shekaru 19 bayan da ya kashe dansa me kwanaki 3 kacal a Duniya. Da aka tambayeshi dalili ya bayyana cewa talauci ne da matsin rayuwa ya jefashi yin wannan aika-aika. Ya kwaci danne daga hannun masoyiyarsa me suna Safiya inda ya tafi dashi ya kasheshi ya binne gawar. Lamarin ya farune ranar 7 ga watan Nuwamba, a karin Kwacham dake karamar hukumar Mubi ta Arewa. Budurwar tasa ce dai ta matsa masa akan ya rika kula da ita da dan nata inda a sanadiyyar hakane yasa har ya karbi dan ya kasheshi. Kakakin 'yansandan jihar, SP Suleiman Nguroje ya tabbatar da faruwar lamarin inda yace wanda ake zargin ya amsa laifinsa da cewa shine ya kashe yaron.

Kanin Mahaifin marigayi shugaban sojojin kasa na Najeriya, Lt. General Taoreed Lagbaja me suna Pa Tajudeen Lagbaja ya bayyana cewa, yana dana sanin sayarwa shugaban sojojin fom din shiga soja da yasan hakan zai yi sanadiyyar mutuwarsa. Wasu Dangin shugaban sojojin sun yi zargin cewa an kashe shi ne ta hanyar tsubbu wanda ya samo Asali daga wani rikicin Fili a mahaifarsa. Kanin mahaifin nasa yace mutuwar data dauki shugaban sojojin, shi ya kamata ace ta dauka. Ya yabeshi a matsayin wanda ya rika tallafawa mutane kowa da kowa.

Lamari dai ya kara rinchabewa Baltasar Engonga shugaban hukumar yaki da rashawa ta kasar Equatorial Guinea wanda Bidiyon sa guda 400 suka bayyana yana lalata da matan aure. To ashe dai shima matarsa tana cin amanarsa. Bidiyo ya bayyana a shafukan sada zumunta inda aka ga matar itama tana lalata da wani mutum. Lamarin dai ya bayar da mamaki. An dai kori Baltasar daga aiki inda aka kuma kamashi aka gurfanar dashi a kotu. Kasancewar Bidiyon matar shima akwai tsiraici da yawa,Shafin hutudole ba zai iya kawo muku shi a nan ba.

Yadda sabuwar ƙungiyar 'yan ta'addan (Lukurawa) da ta ɓulla a yankin Sokoto da Kebbi suka kashe mutane kimani 15 a ƙauyen Mera da ke Jihar Kebbi bayan sun yi ɗauki ba daɗi da 'yan ƙauyen. Haruna Shehu Tangaza

Sabuwar kungiyar dake ikirarin Jihadi me suna Lakurawa a jihar Sokoto ta karbe iko da wasu bangarori na kananan hukumomi 5 a jihar Sokoto inda take karbar Haraji da Zakka. Kananan hukumomin da Kungiyar ta kama iko da su sun hada da Tangaza, Gada, Illela, Silame, da Binji kamar yanda wata majiya ta bayyanawa jaridar Vanguard. Rahoton yace wannan kungiya ta Lakurawa na magana da yarukan Hausa, Fulani, Tuareg, Kanuri, Tuba, da Turanci. Rahoton yace mutanen na zuwane a babura inda sukan bar wasu su musu gadi sannan su tafi wani garin. Shugaban karamar hukumar Tangaza, Alhaji Isa Salihu Kalenjeni ya tabbatar da faruwar lamarin inda yace ko da kwanannan sai da suka kwacewa wani dan kasuwa Naira Miliyan 2 sannan suka kwace masa mota sai da ya biya Naira 350,000 sannan suka bar masa i...

Rahotanni sun bayyana cewa, Matatar man fetur ta Dangote zata fara fitar da man fetur din zuwa kasashen Africa 7. A yanzu dai matatar ta shirya tsaf dan fara fitar da man fetur din zuwa kasashen South Africa, Angola, da Namibia. Sannan kuma tana tattaunawa da kasashen Niger Republic, Chad, Burkina Faso da Central Africa Republic dan fara kai musu man fetur din. Hakana wata majiya tace akwai karin kasashe da ake sa ran zasu bayyana son daukar man fetur din na Dangote. Misali kasar Ghana ma an bayyana cewa tana son fara magana da Dangote dan fara sayen man fetur dinsa. Shugaban hukumar kula da man fetur ta kasar Ghana,Mustapha Abdul-Hamid ya bayyana cewa fara siyen man fetur din daga hannun Dangote zai sa su daina sayen man fetur din daga kasashen Turai