Duk Labarai

Rahotanni daga ƙaramar hukumar Maradun ta jihar Zamfara sun ce an yi jana'izar 'yan aikin sa kai da wani jirgin yaƙi da ake zargin na sojojiin Najeriya ya kai musu hari bisa kuskure a ƙauyen Tungar Kara. Wani mazaunin ƙuyen da ya nemi a sakaya sunansa ya shaida wa BBC cewa tuni aka yi jana'aizar 'yan sa kan su 17 da suka mutu a harin, yayin da wasu ke kwance a asibiti. A ranar Asabar da maraice ne wani jirgi da ake kyautata zaton na sojin ƙasar ne ya kai hari bisa kuskure kan 'yan sa kai a ƙauyen na Tungar Kara. Lamarin ya auku ne, yayin da suke ƙoƙarin daƙile wani hari da ƴan bindiga suka kai garin, suna ƙoƙarin kore wasu dabbobi. Wani mutum - da ya rasa ɗan'uwansa a harin, ya bayyana wa BBC cewa ƴan sa kai da dama ne lamarin ya rutsa da su yayin da suke yunƙurin tunkarar ƴan ...

Rundunar sojin Najeriya ta ce ta samu nasarar lalata sansanin gawurtaccen ɗan bindigar nan Bello Turji a yankin Fakai na ƙaramar hukumar Shinkafi. Cikin wata sanarwa da jami'in hulda da jama'a na rundunar da ke yaƙi da 'yanbindiga a arewa maso yamma 'Operation Fansan Yamma' ya fitar, ya ce dakarun sojin sun ƙaddamar da hare-haren ne kan maɓoyar 'yanbindigar a ranar 10 ga watan Janairu. ''Bisa taimakon dakarun sojin sama, mun samu nasarar lalata sansanonin wasu 'yanbindiga a yankin Fakai na ƙaramar hukumar Shinkafi'', in ji sanarwar. Ya ƙara da cewa daga cikin sansanonin da aka lalata har da na Bello Turji da Mallam Ila, inda aka kashe 'yanbindiga 25 tare da raunata fiye da 18. Haka ma ya ce a lokacin samamen sojojin sun kuɓutar da mutum bakwai da 'yanbindigar suka yi garkuwa da...

Bangaren sarkin Kano na 15 Alhaji Aminu Ado Bayero ya ce zai ɗaukaka ƙara kan hukuncin da kotun ɗaukaka ta yanke kan dambarwar masarutun jihar. A ranar Juma’a ne kotun ɗaukaka ƙara ta yankee hukuncin cewa babbar kotun tarayya – da ta yi hukuncin dakatar da gwamnatin Kano daga soke masarautun jihar – ba ta da hurumin sauraron ƙarar da ta shafi masarautu a jihar. To sai dai a wani taron manema labarai da Aminu Babba Dangundi – wanda tun da farko ya shigar da gwamnatin Kano ƙara a madadin masarautun da aka rushe – ya yi, ya ce za su ɗaukaka ƙara kan hukuncin. Ya ce tun da farko gwamnatin Kano da majalisar dokokin jihar ba su bi ƙa’ida ba wajen soke masarautun jihar. ‘’Bai kamata a sauke sarki ba tare da ba shi damar kare kansa daga laifin da aka zarge shi a kai ba’’, in ji shi. ...

Wata mahaukaciyar guguwa da aka sakawa sunan Santa Ana winds dake gudun mita 45 duk awa ta doso garin Los Angeles dake ci da wuta. Ana tsammanin wannan guguwa zata rura wutar inda zata turata zuwa sassan garin dake da muhimmanci kamar gidan tarihin garin me suna J. Paul Getty Museum da kuma jami'ar University of California. Tuni dai aka fitar da sanarwa ga mutanen dake yankin da su fice daga gidajensu. Zuwa yanzu dai gobarar ta kone sama da gidaje dubu goma sha biyu da kuma yin sanadin kisan mutane 16 inda mutane 13 sun bace ba'a san inda suke ba.

Rahotanni sun bayyana cewa yawan wanda suka mutu a ci gaba da yaduwar mahaukaciyar gobarar garin Los Angeles na kasar Amurka na ci gaba da karuwa. Zuwa yanzu mutane 16 ne hukumomi suka tabbatar da cewa, sun mutu a gobarar. Kamfanin dillancin labaran AP yace biyar daga cikin wadanda suka mutu a unguwar Palisades ne sai 11 kuma a unguwar Eaton sannan kuma mutane 13 sun bace ba'a san inda suke ba. Zuwa yanzu gidaje dubu talatin da biyar ne suke cikin duhu babu wutar lantarki sanadiyyar gobarar. Sama da masu aikin kashe gobara dubu goma sha hudu ne ke ta aiki ba dare ba rana dan hana gobarar yaduwa. Hutudole ya kawo muku cewa, yawan wanda ke kashe gobarar sun yi kadan ta yanda saida aka fito da masu laifi daga gidan yari dan su taimaka

Masu kashe mahaukaciyar gobarar garin Los Angeles na jihar California a kasar Amurka sun yi kadan duk da yawansu ya kai dubu bakwai da dari biyar. Lamarin yayi kamari ta yanda saida aka fito da masu laifi da ake tsare dasu a gidan yari dan su taimaka. A rahoton NPR, tace masu laifi sama da 900 ne aka fito dasu daga gidan yari dan su taimaka a kashe gobarar da taki ci ta ki cinyewa. Hakanan rahotanni sun tabbatar da cewa, kasar Mexico dake makotaka da kasar ta Amurka ma ta aika da ma'aikatan kashe Gobara dan su taimaka a kashe mahaukaciyar gobarar. A baya dai, hutudole ya kawo muku cewa ana tsaka da fama da wannan gobara kuma sai ga girgizar kasa a jihar ta California. Sama da mutane 5000 ne suka shaida cewa sun ji motsin kasa San Francisco bay dake da nisan mil 350 da garin...

Wata mata ta baiwa mutane mamaki bayan da aka ganta tana lakadawa dansandan Najeriya dukan kawo wuka a tsakiyar titi. Badai asan abinda ya hadasu ba inda aka ga matar ta kama dansandan da duka har sai da ta kaishi kasa. https://www.youtube.com/watch?v=VBrn9kXTHlE Mutane da yawa sun yi mamakin lamarin.

Girgizar kasa me maki 3.7 ta auku a jihar California ta kasar Amurka yayin da jihar ke kan fama da matsalar mahaukaciyar gobara data kone gidaje sama da dubu 10. Girgizar kasar ta farun da safiyar ranar Juma'a a San Francisco Bay kuma sama da mutane dubu biyar sun ce sun ji wannan girgizar kasa. Girgizar ta farune a garin dake da nisan mil 350 da garin Loas Angeles. A kalla mutane 16 ne hukumomi suka tabbatar sun mutu gobarar Los Angeles.

Shugaban kasa, Bola Ahmad Tinubu ya sauka a kasar UAE inda ya je dan halartar taron ci gaban kasashe. Fadar shugaban kasar ta sanar da cewa karamin ministan harkokin kasashen waje na kasar ta UAE Sheikh Shakhboot Nahyan Al Nahyan ne ya tarbi shugaba Tinubun.

Pastor Korede Komaiya ya bayyana cewa, talauci alamace ta rashin tsoron Allah da yawan zunubi. Faston ya bayyana hakane ga mabiyansa a cikin cocinsa. Yace a rubuce yake cewa, wadanda suka bi Allah, zasu samu rayuwa ta jin dadi. Dan haka yace talauci alamace ta rashin tsoron Allah da yawan zunubi. Bidiyon da yake wannan magana ya yadu sosai a kafafen sda zumunta inda akai ta masa raddi. Yace yawanci ba'a sanin ainahin halin mutum sai idan ya samu kudi. Ya kara da cewa, yawanci talakawan da zaka ga suna kankan da kai, dama ce basu samu ba.