Hutudole

Bidiyon matashin me kudi, Saleem Goje yana yakin neman zabe a jihar Taraba ya dauki hankula. An ga mutane na bayyana mabanbanta ra'ayoyi akan shigarsa siyasa inda mafi yawanci suka nuna rashin jin dadinsu. https://twitter.com/AM_Saleeeem/status/1969717740224094237?t=Cifm363nTsKT--TRIZcP6g&s=19

A ranar Juma'ar data gabata ne aka daura auren dan Sanata Abdulaziz Yari a Masallacin Sultan Bello Kaduna. Shugaban Izala,Sheikh Bala Lau ne ya ya gabatar da huduba kamin zuwan liman. Saidai a yayin da yake wa'azi, Alaramma Ahmad Sulaiman na ja masa baki, sai ga shugaban kasa, Bola Ahmad Tinubu ya shiga masallacin. Ai kuwa nan da nan Sheikh Bala lau ya janye lasifika daga bakin alaramma Ahmad Sulaiman yana tsaka da karatun Qur'anin ya tafi gaisawa da shugaba Tinubu. Hakan ya jawo cece-kuce sosai inda wasu ke ganin bai kamata ba. https://www.tiktok.com/@muhammadsunnahaljosawy/video/7552481590450900231?_t=ZS-8zvFbjBS0LA&_r=1

Dan babban malamin addinin Islama, Sheikh Dr. Ahmad Gumi, me suna Abdulrahaman Ahmad ya kammala makarantar horas da sojojin Najeriya, NDA. Malam ya halarci wajan bikin yaye su da aka yi.

Wani fasto ya dauki hankula bayan da aka ga yana rabawa mata rigar mama. Faston ya bayyana rashin jin dadinsa ne da ganin yanda mata ke zuwa cocin nasa babu rigar mama. Dan hakane ya raba musu rigar maman amma yace ba zasu tafi da ita gida ba. https://twitter.com/ChuksEricE/status/1969467628222661084?t=feabGIpcSzv_4kTqje1imw&s=19

Tsohon Gwamnan Kaduna, Malam Nasiru Ahmad El-Rufai ya yi gargadi cewa muddin 'yan Najeriya basu tashi tsaye ba suka yi abinda ya kamata a 2027 ba, to lallai Shugaban kasa, Bola Ahmad Tinubu zai so ya zarce ya mulki Najeriya har iya tsawon rayuwarsa. El-Rufai ya kwatanta Abinda Tinubu ke son yi da irin mulkin shugaban kasar Kamaru, Paul Biya. El-Rufai yayi wannan maganane a yayin da Tsohon mataimakin shugaban kasa, Alhaji Atiku Abubakar ya kai masa ziyarar jaje bayan tarwatsa taron ADC da aka yi a Kaduna. El-Rufai yace ko mulkin Soja bai ga ana yin irin kamar karyar da Gwamnatin Tinubu ke yi ba Dan haka yace dolene a hada kai.

Tauraruwar fina-finan Hausa, Firdausi Yahya ta wallafa hotuna inda aka ga kirjin ta ya nuna sosai da kuma kanta ba dan kwali. Mutane sun rika kiran ta saka dan kwali sannan ta rufe kirjinta.

Tauraruwar Tiktok Murja Kunya ta bayyana cewa ta Raba Hanya Da Sunnah da kuma 'yan Damfara. Ta bayyana hakane bayan da wani yace mata ta raba hanya da Sunnah inda ta tabbatar masa da cewa Eh ya manta da kuma 'yan Damfara. https://www.tiktok.com/@murjakunya0/video/7550229293842959621?_t=ZS-8zug68WB5aD&_r=1

Tauraron Tiktok, Gfresh Al-amin ya tambayi wai me yasa har yanzu ba'a samu Malamin da yace Talauci haramun bane? Gfresh ya bayyana hakane a wani Bidiyonsa inda yake cewa Malamai na ta Haramta Abubuwa amma basa Haramta Talauci. https://www.tiktok.com/@gfreshfanpage/video/7552279512721968402?_t=ZS-8zuc87ta9hJ&_r=1

Malamin Addinin Islama, Digital Imam ya bayyana cewa, iya karshen rashin kunyane mutum yace baya neman komai wajan Annabi(Sallallahu Alaihi Wasallam). Malam Yace ba da Annabi(Sallallahu Alaihi Wasallam) Musuluncìn mutum baya cika. Yace kuma idan mutum ya isa yace Ashhadu An la'ilaha Ilallah ba tare da cewa, Ashhadu anna Muhammadu Rasulullah ba, yace musuluncinsa bai cika ba. https://www.tiktok.com/@digital_imaam/video/7551551643100138759?_t=ZS-8zuZYoENj1s&_r=1

Tsohon Shugaban kasa, Olusegun Obasanjo ya karyata rade-radin dake yawo cewa ya so ya sake zama shugaban Najeriya a karo na 3. Obasanjo ya bayyana hakane a wajan wani taro kan Dimokradiyya da tsohon shugaban kasa, Goodluck Jonathan ya shirya. Yace babu wanda zai iya cewa ya kirashi ya gaya mai cewa yana son zarcewa a karo na 3 akan mulki. Yace neman a yafewa Najeriya bashin da ake binta da yayi a zamanin mulkinsa, yafi neman zama shugaban kasa a karo na 3 wahala.