Author: Bashir Ahmed

Farashin dala a kasuwar Chanji ta gwamnati a yau, Alhamis 18 ga watan Yuni na shekarar 2026 ya kamane akan Naira ₦1,360 akan kowace dala. A kasuwar bayan fage kuwa, Farashin dalar ya kamane akan Naira 1,400 akan kowace dala. 'Yan kasuwar bayan fagen na sayen dalar akan Naira ₦1,392 zuwa Naira ₦1,395 a yayin da suke sayarwa akan Naira ₦1,400 zuwa Naira ₦1,402.

Wata mummunar Ambaliyar ruwa ta mamaye Lekki dake Lagos. An ga yanda ambaliyar ruwan ta mamaye layuka inda motoci suka kasa tafiya, mutane suka kasa ci gaba da gudanar da ayyukansu na yau da kullun da sauransu. Lamarin ya kawo tsayawar al'amura a yankunan dake fama da ambaliyar. https://twitter.com/i/status/2067523414642811298

Wata kungiyar Likitocin Najeriya ta koka da yawan tserewar Likitoci daga Najeriya zuwa kasashen Turawa. Kungiyar tace a yanzu Likitoci 55,000 ne suka rage a Najeriya. Wanda sune ke kula da 'yan Najeriya mutane Miliyan 220. Likitocin sun bayyana hakane a wata ganawa da suka yi a Asibitin masu fama da rashin lafiyar kwakwalwa dake Yaba Lagos. Shugaban kungiyar Likitocin, Prof Omoti Ernest ya bayyana cewa, sun yiwa Likitoci 130,000 Rijista amma zuwa yanzu guda 55,000 ne kadai ke aiki a Najeriya. Hakan na nufin duk likita daya yana duba marasa lafiya tsakanin 3,600 zuwa 4000. Sun yi kiran a dauki matakin hana likitoci tserewa daga Najeriya dan gujewa tabarbarewar harkar Lafiya a kasar.

An yi bikin kaddamar da gidajen da gwamnatin shugaban kasa, Bola Ahmad Tinubu da Ministan Abuja, Nyesom Wike suka ginawa alkalai na kotunan daukaka kara. Saidai hakan ya jawo zarge-zarge a zukatan 'yan kasa. Da yawa na zargin cewa, an gina gidajenne a matsayin toshiyar baki ga alkalan. https://twitter.com/i/status/2067486725107040544

A yayin da cacar baki ta yi yawa tsakanin Rarara da Davido, masoyansu sun fitar da bayanan abubuwan da kowanne ya mallaka. An bayyana yawan kudin da kowannensu ya mallaka. Da yawan mabiyan da kowanne su ke da a kafafen sada zumunta. Da yawan motocin da suka mallaka. Da yawan gidajen da suka mallaka. Da dai Sauransu, saidai duka wannan hasashene musamman ma maganar kudi.

'Yan majalisar wakilai marasa rinjaye sun yi kira ga shugaban kasa, Bola Ahmad Tinubu da ya dakatar da maganar yakin neman zabensa a 2027 ya mayar da hankali wajan magance matsalar tsaro. Sun bayyana hakane a yayin ganawa da manema labarai inda suka ce matsalar tsaro ta kai makura a kasarnan inda suka kawo misali da abinda ya faru da janar Rabe Abubakar a jihar Katsina. 'Yan majalisar sun zargi shugaban kasa, Bola Ahmad Tinubu da nuna halin ko in kula game da matsalar tsaron inda yafi mayar da hankali wajan yakin neman zabensa.

Gwammatin tarayya na sanar da bude gidajen talabijin 100 da 'yan kasa zasu rika kallo kyauta ba tare da biyan kudi duk wata ba. A jumlace an musu sunan FreeTV. Fadar shugabab kasa ce ta sanar da wannan a ranar Laraba. Sanarwar tace gidajen Talabijin din sun hada dana labarai dana wakoki dana wasannin yara dana ilimi a ciki da wajen Najeriya. Sanarwar tace wannan mataki ne na inganta kafofin watsa labarai zuwa na zamani.

An ga yanda Janar Aliyu Gusau ya duka ya gaishe da sarkin Kano, Muhammad Sanusi II har kasa. Da yawa sun yi mamakin ganin babban mutum kamar Janar Aliyu Gusau yayi haka. Saidai wasu na cewa girman sarautar ne yake gani. https://twitter.com/i/status/2067364386235171030

Malama Kausar ta bayyana cewa, idan Zarmalulun mutum ya mike amma bai ga jijiyoyi akai ba to akwai matsala. Hakan na nufin jini baya yawo a wajan yanda ya kamata. Ta bayyana cewa akwai maganin da ake yi wanda shine shan kankana da 'ya'yan kankanar. https://twitter.com/i/status/2067381396314771921

A wata hira da aka yi dashi, Attajirin Najeriya, Aliko Dangote ya bayyana cewa, bayanin da turawa suke cewa wai kudinsa dala Biliyan $38 ne ba gaskiya bane. Dangote yace ko matatar man fetur dinsa kawai ta fi Dala Biliyan $40. Sannan kuma akwai wasu kadarorinsa da ba'a sakasu a lissafi ba. Dangote da aka tambayeshi gashi yana da kudi amma baya alfahari sai yace tarbiyyar da ya samu daga gidane ba'a koya musu Alfahari ba. https://twitter.com/i/status/2067288672043446613