Duk Labarai

Wajan tsayuwar motocin haya na Kugbo dake Abuja da aka kashe Miliyoyin Naira aka gina ya lalace. Lamarin ya jawo cece-kuce inda da yawa ke cewa dama can ba da kayan aiki masu inganci aka yi aikin ba. https://twitter.com/i/status/2041542821111320647 https://twitter.com/i/status/2041541799856976308 https://twitter.com/i/status/2041539082598187009

Wannan Bidiyon wata Amarya ce ranta a bace da ya dauki hankula sosai. Bidiyon ya nuna Amaryar tare da angonta a wajan hidimar bikinsu. Wasu dai sun rika baiwa angon shawara... https://twitter.com/i/status/2041062712612884481

Rahotanni sun bayyana cewa yayin da ake fama da Nafiu Bala Gombe, wani tsagi na jam'iyyar ADC ya bayyana inda suke ikirarin cewa, sune shuwagabannin jam'iyyar na gaskiya. Tsagin wanda wani me suna Don Norman Obinna kejagoranta, sun bayyana hakane a ganawa da manema labarai da suka yi a Abuja ranar Talata. Sun ce tsohon shugaban jam'iyyar, Ralph Nwosu da ya mikawa su David Mark ragamar jam'iyyar, tun shekarar 2022 wa'adin mulkinsa ya kare, kuma dama akwai shari'a da ake yi dashi a kotu bama guda daya ba.

A yayin da Nafiu Bala Gombe yake baiwa su Atiku da Kwankwaso da Peter Obi ciwon kai a jam'iyyar APC, Kwankwaso yayi martani Kwankwaso yace yasa shugaban kasa, Bola Ahmad Tinubu yana yin dukkan mai yiyuwa wajan ganin ya muzguna musu ya hanasu rawar gaban hantsi amma hakan ba zai sanyaya musu gwiwa ba. Kwankwaso yace hakan karfafa su zai yi kuma ba zasu bar jam'iyyar ADC ba

Bayan Shafe Tsawon Lokaci Suna Soyayya Daga Ƙarshe Dai Ana Raɗe-raɗin Mawaƙi Hamisu Breaker Ya Auri Jaruma Hafsat Idris Shahararren mawaƙin nan na masana’antar Kannywood, Hamisu Breaker ya auri jaruma Hafsat Idris (Ɓarauniya) bayan shafe tsawon lokaci suna soyayya a sirrance. Wasu rahotanni su bayyana cewa an ɗaura auren ne a makon da ya gabata. Idan ta tabbata, za a iya cewa ma’auratan sun shiga layin jaruman Kannywood da ke yin aure cikin sirri a baya-bayan nan. Wane fata zaku yi musu?

Mawallafin jaridar Sahara Reporters kuma me ikirarin fafutukar kare hakkin bil'adama, Omoyele Sowore ya bayyana cewa shugaban kasa, Bola Ahmad Tinubu ne ya dauki nauyin me son kafa kasar Yarbawa ta Oduduwa watau Sunday Igboho dan ya kawo matsala a gwamnatin Buhari. A wancan lokacin dai, lamari yayi kamari har sai da ta kai ga Sunday Igboho ya tsere daga Najeriya dan gujewa kamun hukumomi. Saidai a yanzu ya dawi gida Najeriya har ma ana damawa dashi a Gwamnatin Tinubu. Sowore ya bayyana hakane a wani shirin Podcast me suna Times a yayin da yake sharhi akan siyasar yankin yarbawa na Kudu maso yamma. Yace a kokarin Tinubu na samun mulki shine ya fitar da kudi aka kafa kungiyar ta son ballewa daga Najeriya a kafa kasar Yarbawa ta Oduduwa. Yace kuma Tinubu yayi hakane saboda a wa...

Jihar Kaduna ta aika motocin Bas sun dauko dalibanta dake jami'ar Jos saboda matsalar tsaro data kunno kai. An ga tawagar motocin bas din na fitowa daga cikin makarantar. Matsalar tsaro ta kunno kai a jihar Flato wanda hakan ya kawo tsaikon tafiyar da al'amura a jihar. https://twitter.com/i/status/2040019017138651644

Farashin dala a kasuwar Chanji a yau, Latata 7 ga watan Afrilu ya kai Naira 1,379.30 akan kowace dala a kasuwar Gwamnati. A kasuwar bayan fage kuwa farashin yana akan Naira 1,379.10 akan kowace Dala. Rahoton yace farashin kasuwar Gwamnati dana kasuwar bayan fage sun zo kusan kankankan wanda hakan ke nuna kokarin gwamnati na bayar da sakamakon da ake so na daidaita farashin dalar.

Me magana da yawun ADC, Bolaji Abdullahi ya bayyana cewa, sun yi yunkurin yiwa Nafiu Bala Gombe ihisani dan ya hakura kada ya kawo musu matsala a jam'iyyar ADC amma abu ya faskara. Ya bayyana cewa dalili kuwa shine ba kananan kudade da motoci da gida da jami'an tsaro Gwamnati ta bashi ba. Yace kuma da Nafiu Bala Gombe ke cewa wai bai sauka daga shugabancin ADC ba karya yake. Yace takardar da yake karyatawa yake cewa wai kwaikwayar sa hannunsa aka yi, karya yake, shine ya rubutata da kansa, sannan idan da gaske kwaikwayar sa hannunsa aka yi, me yasa bai kai korafi wajan hukuma ba dan kuwa kwaikwayar sa hannun mutum ai babban laifine. Nafiu Abdullahi dai ya maka su Atiku a kotu inda yake zargin sun masa karfa-karfa sun kwace masa shugabancin jam'iyyar ADC.

Tsohon Ministan shari'a, Abubakar Malami ya kai ziyara jiharsa ta Kebbi a karin farko tun bayan da EFCC suka sakeshi. Malami ya samu tarba me kyau inda dubban mutane suka fito suka tarbeshi. https://twitter.com/i/status/2041290351789687211