Duk Labarai

Wannan sojan ya cika da farin ciki bayan da matarsa ta mai kyautar sabuwar Mota ranar da aka masa karin girma. Da yawa sun yaba mata. https://twitter.com/OumarMrs/status/2001287695918596151?t=Sh9SEtoGWUbe5UJYTxGITw&s=19

'Yar Najeriya Helen Williams ta shiga cikin kundin tarihin Duniya bayan da ta yi karin gashi da ya fi kowane tsawo a Duniya. Tsawon karin gashin nata ya kai kafa sama da 50. https://twitter.com/GWR/status/2001339116953231449?t=ER_7x7fcTVN-AsKxHxs-Xg&s=19

Wani Bidiyo ya bayyana da yayi ikirarin cewa ana zubar da shara a gefen titi a babban birnin tarayya Abuja. Bidiyon yasa aka rika sukar Ministan babban birnin tarayya Abuja, Nyesom Wike. https://twitter.com/abujastreets/status/2001579740503879920?t=2kGtqUPLAX7JOoa_aPwi5g&s=19

A gobe Juma'a idan Allah ya kaimu, Shugaban kasa, Bola Ahmad Tinubu zai kaiwa majalisar tarayya kasafin kudin shekarar 2026. Kakakin majalisar, Tajudeen Abbas ne ya bayyana hakan ranar Alhamis a yayin zaman majalisar.

Babbar Kotun tarayya dake Abuja ta ki amincewa da bayar da Belin tsohon Ministan shari'a, Abubakar malami inda yake neman a sakeshi daga komar EFCC. Saidai kotu a zamanta na ranar Alhamis tace EFCC ta ci gaba da tsare Malami inda Mai Shari'a, Babangida Hassan yace ci gaba da tsare Abubakar Malami bai sabawa doka ba.

Kotun tarayya dake Abuja ta bayar da belin Tsohon Ministan kwadago, Chris Ngige. Hakan na zuwane duk da kin amincewa da bayar da belin da EFCC ta yi. Ana zargin Chris Ngige da bayar da kwagila wadda ta zarta naira Naira Biliyan 2 da bata kamata ba a karkashin sa lokacin yana minista.

Daya daga cikin sojoji 11 da kasar Burkina Faso ta kama tsawon kwanaki 9 bayan da jirginsu ya sauka a kasar yace, jirgin nasu da gaske tangarda ya samu. Ya bayyana hakane yayin ganawarsa da wakilan Najeriya ta tura kasar dan a baiwa shugaban kasar, Ibrahim Traore hakuri ya sakesu. Ministan harkokin kasashen waje, Yusuf Tuggar ne ya jagoranci tawagar. https://twitter.com/NigAffairs/status/2001594423025471848?t=_6oHc1fOg4wScDRR8smDVA&s=19

An ga yanda Tauraruwar Tiktok, Rahama Saidu ta dawo Najeriya daga kasar Saudiyya bayan da ta kai 'yan uwanta aikin Umrah. Rahama Saidu dai ta dauki hankula sosai bayan da aka ga yanda ta kai 'yan uwanta duka aikin Umrah ind akaita tsegumin ina ta samu kudin. https://www.tiktok.com/@ejarrx__cut/video/7584833334677638408?_t=ZS-92K0XvLs59F&_r=1

Dr. Hussain Kano wanda ya jawo cece-kuce bayan daya roki Allah yasa kada ya kai matsayin da sai Annabi(Sallallahu Alaihi Wasallam) a ceceshi kamin ya shiga Aljannah, yayi karin Haske. Yace akwai ingantaccen Hadisi da yace Ceton Annabi(Sallallahu Alaihi Wasallam) akan masu aikata manyan zunubaine. Yace dalilinsa kenan na fadar haka kuma su baffa Hotoro da suka masa raddi sun san da Hadisin, dan haka yace bai yafe raddin da suka masa ba kuma sai sun gani kamin su Mutu. https://www.tiktok.com/@dr.hussainkano5/video/7584966011799997707?_t=ZS-92Jz27DGyAr&_r=1

Ministan harkokin kasashen waje, Yusuf Tuggar ya tabbatar da sakin Sojojin Najeriya 11 da kasar Burkina Faso ta kama. An ganshi da sojojin inda suka dauki hotuna tare. Ya bayyana cewa, Najeriya tafi baiwa sulhu Muhimmanci a wajan warware matsaloli a yankin Afrika ta yamma. Sannan kuma yafe sun tattauna karfafa alaka me kyau tsakanin Najeriya da kasar Burkina Faso. https://twitter.com/YusufTuggar/status/2001557495089619258?t=HyqzNjHjtsfH1uc2d5QWIw&s=19