Author: Bashir Ahmed

Rahotanni sun bayyana cewa an baiwa Ali Nuhu Wa'adin sati daya ya fito ya tallata Gwamnatin shugaban kasa, Bola Ahmad Tinubu ko a kwace mukamin da aka bashi. Daya daga cikin jaruman masana'antar Kannywood ce ta fallasa hakan. Tace ana zargin Rarara ne ya kai gulmarsa sama cewa baya shiga harkar yiwa shugaba Tinubu yakin neman zabe da yake yi, shiyasa aka saka masa wannan wa'adi. https://www.tiktok.com/@yahayyayusoop2/video/7659455781049486612?_r=1&_t=ZS-97pJYeuBWYn

Tauraruwar fina-finan Hausa, Aina'u Ade ta bayyana cewa, ganin damartane ta yi fim da dankwali ko akasin hakan. Ta bayyana hakane a wani Bidiyo data wallafa a shafinta inda tace masu zarginta saboda yin Tiktok ba Dankwali haka ta ga damar yi. Aina'u tace zata yi abinda ta ga dama. https://www.tiktok.com/@ainau.adee/video/7659218896284585237?_r=1&_t=ZS-97pISAQkIej

Wannan wasu mata ne dake ikirarin cewa zasu yi aure a tsakaninsu. An ji dayar na cewa tunda ta saki matarta, ita kuma zata aureta. https://www.tiktok.com/@sarahlovebackup/video/7658016564452674824?_r=1&_t=ZS-97odCr7kDSu A makon da ya gabata ne dai wasu mata suka fito inda suke cewa sun yi auren juna amma kuma sun saki juna bayan da suka samu matsala.

Wannan wata me tuyar kosai ce data bayyana a kafafen sada zumunta inda aka ganta tana tuyar kosan akan kasa. Babu wuta babu murhu. Lamarin ya dauki hankula inda wasu ke cewa tsafi ne. https://www.tiktok.com/@yaroro6/video/7659312858789924116?_r=1&_t=ZS-97oGIywiL60

A yayin ganawa da manema labarai, dan kwallon Portugal, Cristiano Ronaldo ya bayyana cewa, yasan 'yan Jarida basa sonsa. Ya nuna daya daga cikin 'yan jaridar Wanda yace yana cikin makiyansa inda yace ya masa tambayar da yake so. https://twitter.com/i/status/2073847179202941354

Wannan wani magidanci ne da ya je ya shako wani Fasto bayan da matarsa ta kaiwa Faston motarsa tace ta bashi sadaka. Magidancin yace bai san da wannan maganar ba dan haka kawai a dawo masa da motarsa. https://twitter.com/i/status/2074078099289882904

Wani matashi dan Najeriya ya kera Janareta me samar da wutar Lantarki dake amfani da ruwa. Matashin ya nuna yanda janaretan da ya samar ke amfani inda da yawa suka jinjina masa.

Rahotanni sun ce wata uwargida ta watsawa Mijinta Man ja bayan da yayi aure ya je gaisheta shida abokansa. Bidiyon lamarin ya dauki hankula a kafafen sadarwa inda wasu ke yaba mata, wasu sun ce bata kyautawa kanta ba. https://www.tiktok.com/@aliyushehu021/video/7659154373397990676?_r=1&_t=ZS-97nshTDGbKr

Farashin dala a kasuwar Chanji ta Gwamnati a yau, Litinin 6 ga watan Yuli na shekarar 2026 ya kamane akan Naira ₦1,370.33 akan kowace dala. A kasuwar bayan fage ta garuruwan Kano, Abuja, Lagos da Fatakwal kuwa farashin dalar ya kamane akan Naira 1,385 zuwa Naira ₦1,400 ya danganta idan mutum saye ko sayarwa zai yi.

An hangi Neymar yana baiwa Martin Odegaard Hakuri bayan tashi daga wasansu na World Cup. https://twitter.com/i/status/2073935140196127003 Da yawa dai sun jinjina yanda 'yan wasan suka nuna halin dattako bayan kammala wasan inda sukai ta gaisawa da juna.