Duk Labarai

Tsohon dan wasan Arsenal, Emmanuel Eboue ya koka da maganar hanashi mu'amala da 'ya'yansa da matarsa ta yi. Matarsa dai 'yar kasar Belgium ce kuma a lokacin da yake ganiyarsa ya aureta, saboda rashin Ilimi ya mika mata ragamar komai na kudinsa. Saidai ta yi amfani da wannan dama wajan arzuta kanta ta mallakawa kanta duka kadarorinsa har kotu aka shiga amma ita tayi nasara sannan kotu ta bata damar kula da 'ya'yansu. Yace a yanzu ta hanashi ganawa da 'ya'yan nashi kuma yana da lambarsu, zai aika musu da sako amma ba zasu aika masa da amsa ba. https://twitter.com/i/status/2047596617172144593

Wani me hada mata da maza masu neman aure ya koka da wata da ya hadata da wani mutum. Yace ya hadata da mutumin ne inda a ranar farko da suka fita taci abincin Naira 200,000. Yace a rana ta biyu da suka fita ta kawo abokanta 4 inda suka ci abincin Naira 1,053,000. Saurayin yace zai biya kaso 70 cikin 100 na kudin su kuma su biya sauran amma suka kiya. Daga baya dai saurayin ya tafi ya barsu sai da aka rike motar daya daga cikinsu a gidan abincin.

Wani gidan haya ya dauki hankula sosai a Legas inda aka ga dakine kawai wanda ba babba ba amma ana biyan Naira Dubu dari shida a shekara. Da yawa sun ce ko kafa da kyau ba zasu iya mikewa ba a ciki https://twitter.com/i/status/2047560268872327283

Bidiyon wajan wani taron siyasa a Kano inda aka ga wata mata a tsakiyar maza tana tafiya da kyar ya dauki hankula. A Bidiyon wasu sun rika kokarin baiwa matar kariya amma da yake mutane sun yi yawa, haka aka rika kutsawa da ita tsakanin mutane ba dadi. Da yawa dai sun ce siyasa ba ta mata bace. https://twitter.com/i/status/2047605175267799168

Wannan Bidiyon bikin aurene na Amarya da Angonta da ya dauki hankula a kafafen sadarwa da yawa sun yi ta tofa albarkacin bakinsu akan wannan aure. https://www.tiktok.com/@the_bridesroom/video/7631872389927783701?_r=1&_t=ZS-95oKRJpLD3h

Wani Bidiyo ya bayyana inda aka ga wasu tsageran Siyasa sun tare dan majalisa me wakiltar Bagwai da Shanono, Frouk Lawal. An ji suna gaya masa kalaman da basu dace ba inda har aka ji wani yana cewa a Qada masa mari. Lamarin ya dauki hankula sosai. https://twitter.com/i/status/2047589951450067257

Wani Bidiyo ya bayyana inda aka ga dan shugaban kasa, Seyi Tinubu na tuka kansa a Mota. Wasu sun jinjina masa cewa hakan ya nuna bashi da girman kai. https://twitter.com/i/status/2047519082589605992

Wannan wani Direba be da aka kama ya gudu da wayar iPhone 16 da aka bashi ya kaiwa wani soja. Saidai an bibiyeshi har cikin gidan matarsa aka kamashi a gaban matar tasa A cewarsa wai wani abokinshi ya sace wayar. https://twitter.com/i/status/2047539617977549303

Wasu iyaye sun sake bayyana a Arewa inda suka shiryawa 'ya'yansu bikin Birthday Party da aka kashe makudan kudade. Hakan na zuwane bayan da a baya aka yi shigen wannan wanda har Davido aka gayyato. Saidai a wannan karin, abinda yafi daukar hankali shine shigar mahaifiyar yaran. Da yawa sun ce shigarta bata dace ba dan ta nuna tsiraici. https://www.tiktok.com/@danmasanistudioo/video/7631512589347851528?_r=1&_t=ZS-95n3pBMn0oy

Wannan Bidiyon yanda wani ya dakko Kilaki ke fada ya kaure tsakaninsu. Shi yana gaya mata cewa bai gama ba ita kuma tana ce masa ya bata kudi tana da inda zata. https://twitter.com/i/status/2047244344105578496