Duk Labarai

Hukumar kididdiga ta kasa, NBS ta bayyana cewa zata saka karuwanci a matsayin daya daga cikin alkaluman da take amfani dasu wajan tantance karfin tattalin arzikin Najeriya Hakanan bayan karuwancin, za'a kuma saka harkar kwaya a cikin hanyoyin da ake samarwa gwamnati kudi da kara karfin tattalin arziki. Shugaban hukumar, Dr. Baba Madu ne ya tabbatar da hakan i da yace akwai kasashen da kwaya ce babbar hanyar samun kudin shigarsu sannan akwai wanda kuma ke karuwanci kuma suna samun kudi fiye ma da masu aikin yi. Yace duka wadannan za'a sakasu a cikin masu taimakawa karfin tattalin arzikin Najeriya.

Wata mata me zaman kanta a jihar Adama ta kashe me sayar da giya bayan da rikici ya barke a tsakaninsu akan canjin Naira 200. Matar me suna Riyanatu Musa ta kashe Yohanna Musa ne ta hanyar caka masa wuka a kirji. Hukumar 'yansandan jihar ta tabbatar da faruwar lamarin inda tace wadda ake zargi ta amsa laifin da ake zarginta dashi. Tace a lokacin data kashe Yohanna Musa bata cikin maye inda tace amma ta yi nadamar abinda ta aikata. Kakakin 'yansandan jihar, SP Suleiman Nguroje yace kwamishinan 'yansandan jihar, Morris Dankombo ya bayar da umarnin yin bincike kan lamarin.

Kotun daukaka kara ta Kano a yau Juma’a, ta yi watsi da umarnin babbar kotun da ta soke nadin Sanusi Lamido Sanusi a matsayin Sarkin Kano na 16. Wani kwamitin mutane uku na kotun daukaka kara, a hukuncin da ta yanke, karkashin jagorancin mai shari’a Mohammed Mustapha, ya yi watsi da hukuncin da kotun tarayya ta yanke a ranar 20 ga watan Yuni, 2024, ƙarƙashin mai shari’a Abubakar Liman, na babbar kotun tarayya, wanda ya soke dokar masarautar Kano ta 2024 da ta sake nada Sanusi. A cewar kotun daukaka kara, Mai shari’a Liman ya yi watsi da hurumin soke matakin da gwamnatin jihar Kano ta dauka bisa dokar majalisar masarautu ta 2024. Ta kara da cewa, karar da wani basarake a jihar, Alhaji Aminu Babba Dan Agundi ya shigar, wanda alkalin babbar kotun ya dogara da ita wajen bayar da wanna...

Gwamna Umo Eno na jihar Akwa Ibom ya sallami gaba ɗaya kwamishinonin jihar, inda ya ce ya na so ne ya kawo sabon-jini. A jawabin a yayin taron sallama da kwamishinonin a gidan gwamnati, Eno ya ce dukkan su babu wanda bai yi kokari a muƙamin da aka bashi ba. Sai dai ya ce duk da ko wanne daga cikin kwamishinonin ya yi kokari a ma'aikatar sa, akwai buƙatar a kawo wasu sabbin kwararru domin ci gaban jihar.

Hukumar kula da ingancin abinci da magunguna ta ƙasa, NAFDAC, ta koka kan matsanancin ƙarancin ma'aikata. Da ta ke ganawa da manema labarai a Legas a jiya Alhamis, shugabar hukumar, Farfesa Mojisola Adeyeye ta baiyana cewa a yanzu haka hukumar na da ma'aikata dubu 2 kacal a fadin ƙasar, inda ta ce hakan adadi ne mai matuƙar kankanta duba da irin aikin hukumar. Ta yi kira da a ninka adadin ma'aikatan hukumar sau biyu ko sau uku, inda ta ce aikin da su ke yi na kare lafiyar al'ummar ƙasa baki daya na buƙatar wadatuwar ma'aikata don a samu sakamako mai kyau.

Ɗan bayan Liverpool Kuma dan ƙasar Netherlands, Virgil Van Dijk ya rattaba hannu a tsawaita kwantaragi na shekaru 2 a ƙungiyar. Hakan na zuwa ne yayin da rahotanni daga Transfer News Live ke nuni da cewa Luiz Diaz ya ƙi karɓar tayin tsawaita kwantaragi daga Liverpool, inda shi hankalin sa ya yi kan Barcelona.

Masoyan Sarkin Kano, Muhammadu Sanusi ll sun ɓarke da murna bayan da Kotun ɗaukaka ƙara ta yanke hukunci kan dambarwar masarauta a yau Juma'a a Abuja.

Masana tattalin Arziki sun bayyana cewa, nan da watan Disamba na shekarar 2025 farashin kayan masarufi zai sauka da kaso 27.1. latest NESG-Stanbic IBTC Business Confidence Monitor ne suka fitar da wadannan bayanai inda suka ce wannan zai baiwa 'yan kasuwa dama sauran jama'a kwarin gwiwa kan matsin tattalin arzikin da aka samu kai a ciki. Hauhawar farashin kayayyaki da tashin farashin man fetur da karyewar darajar Naira ne kan gaba cikin abubuwan dake damun 'yan Najeriya.

Shugaban kasa, Bola Ahmad Tinubu zai halarci taro kan ci gaban kasashe a Abu Dhabi. Taron zai wakanane ranar 12 zuwa 18 ga watan Janairu inda shi kuma shugaba Tinubu zai bar Najeriya ranar Asabar, 11 ga watan Janairun, kamar yanda me magana da yawunsa, Bayo Onanuga ya sanar. Onanuga yace Shugaban kasar UAE, Sheikh Mohamed bin Zayed Al Nahyan ne ya gayyaci shugaba Tinubu zuwa taron.

Garin Bacup dake karkashin Lancs a kasar Ingila ya hana wani kamfanin yin Pizza, me suna Woody’s Pizza ya bude reshe saboda a cewar mahukuntan garin yaran garin kib ta musu yawa. Woody’s Pizza sun so bude reshene a wani tsohon shagon barasa da aka kulle kuma sun ce suna aka sukari da gishiri kadan a Pizza dinsu sannan zasu rika sayen kayan yin Pizza din daga kasuwar garin. Saidai mahukuntan garin sun ce basu yadda ba. Ko da a shekarar 2023 ma, mahukuntan garin Bacup sun taba hana bude wajan cin abinci saboda irin wannan dalili.