Duk Labarai

Tauraron fina-finan Hausa, Ali Nuhu ya bayyana cewa bai taba samun matsala da matarsa ba game da harkar fim ko da ta ganshi yana soyayya da wasu mata a fim ba. Ali Nuhu yace, dalili shine yana girmama matar tashi kuma itama tana girmamashi sannan kuma wani lokacin ma yana bata labarin fim din ta karanta. https://twitter.com/i/status/2043028977996996987

Tauraruwar Tiktok me suna Fatima ta bayyana cewa aure take son yi. Ta bayyana hakane a shafinta ta Tiktok a Bidiyon guda biyu data yi inda a na farko tace aure take so. Daga baya kuma ta sake fitowa ta jaddada bukatarta. Tace duk me sonta ya mata DM, inda ta kara da cewa, a garin Kaduna take. https://www.tiktok.com/@khadeejamuhammed8/video/7627679047144705300?_r=1&_t=ZS-95TIWzXn8fQ

Hukumar 'yansandan farin kaya ta DSS na binciken Hadiman gwamnan Kano, Abba Kabir Yusuf su 5 bayan korafin da tsohon Gwamnan jihar, Dr. Rabiu Musa Kwankwaso ya shigar inda yake zarginsu da bata masa suna. Wadanda aka kama din sune me taimakawa Gwamna Abba ta bangaren kafafen sadarwa, Sanusi Bature, Dawakin Tofa, da shugaban matasa na APC, Salisu Yahya Hotoro, sai Ibrahim Adam wanda shine ke baiwa Gwamna Abba Shawara kan yada labarai sannan tsohon Hadimin Kwankwaso ne, Sai Nuhu Dambazau da Mukhtar S. Yahuza. Rahoton yace dukansu da kansu suka kai kansu ofishin DSS bayan gayyatar da aka musu. Kwankwaso ne da kansa ya sakawa takardar korafin hannu inda ya zargesu da ci masa mutunci da bata masa suna a kafafen sada zumunta.

Wata matar aure me suna Mrs Tilewa Olatunde Funke 'yar kimanin shekaru 42 ta bace ana ta nemanta. Lamarin ya farune a garin Ilara-Mokin na jihar Ondo. Saidai da bincike ya tsananta, 'yan sanda sun ganota a dakin otal da wani me suna Isa Alaba dan kimanin shekaru 55 a dakin otal suna shakatawa. Hukumar 'Yansandan ta bayyana cewa matar da kanta ta kai kanta wajan mutumin ba garkuwa yayi da ita ba kuma an warware matsalar cikin ruwan sanyi. Hukumar 'Yansandan ta yi kira ga mutane dasu daina yada labaran da basu inganta ba kan lamarin.

Dan majalisar wakilai, Leke Abejide wanda dan jam'iyyar ADC ne ya maka shuwagabannin jam'iyyar na riko David Mark, da Rauf Aregbesola a kotu inda yace kotu ta saukesu. Hakan na zuwane a yayin da ake tsaka da fama da rikicin Nafiu Bala. Ya shigar da karar ne a gaban babbar kotun tarayya dake Abuja inda kotun ta tsayar da ranar 13 ga watan Afrilu dan yanke hukunci. Jam'iyyar ADC na fuskantar kalubale kala-kala inda take zargin hannun APC a lamarin.

Tsohuwar Tauraruwar fina-finan Hausa, Fati Muhammad ta bayyana cewa, ta hadu da tsohon mataimakin shugaban kasa, Atiku Abubakar kuma ya bata kyautar Naira Miliyan 20. Ta bayyana hakane a wata hira da aka yi da ita, wadda Ali Jita ya jagoranta. Saidai tace kudin bata yi wani abun azo a gani dasu ba yawanci mutane ta rika saiwa kyautuka. https://www.tiktok.com/@amanardondaalbishir/video/7626912177827400981?_r=1&_t=ZS-95RhhfRixJB

Tauraruwar Tiktok, Adama 'yar kasar Nijar ta bayyana cewa, ba zata yi aure ba har ta koma ga mahaliccinta. Ta bayyana cewa kuma ita ba 'yar iska bace. https://www.tiktok.com/@littlephina123/video/7626878545452797205?_r=1&_t=ZS-95Rfu5UoENM

Tsohon Gwamnan Kaduna, Malam Nasiru Ahmad El-Rufai ya bayyana cewa, ba kudi Shugaban kasa, Bola Ahmad Tinubu ya bashi ya masa yakin neman zabe ba. Yace shi tunda yasan Shugaban kasa, Bola Ahmad Tinubu bai taba bashi ko sisi ba ko da kudin siyen Pure Water. Yace amma ba zai iya rantsuwa akan sauran wadanda sukawa Tinubu yakin neman zabe ba amma shi dai ba'a bashi ko sisi ba. https://twitter.com/i/status/2042551635289739358

Wani dan Arewa ya dauki hankula sosai a kafafen sada zumunta inda ake ta maganarsa. Dalili shine Bidiyon sa ya bayyana kuma ya yadu sosai inda aka ganshi cikin jirgin sama daya dauka shata shi da iyalansa kadai a ciki suna annashuwa. https://twitter.com/i/status/2042626180885483697

Mintuna 5 bayan da shugaba Tinubu ya kammala ziyarar aki a jihar Bayelsa, Mutane sun dakawa fastocinsa wawa. An ga yanda ake ta wasan kura da fastocin nasa inda mutane ke ta yagasu a wani Bidiyo da ya bayyana a kafafen sada zumunta. https://twitter.com/i/status/2042849867790172243